Tevgera Azadîya Cenîya Kurdistanî bi xêza xo têkoşînê û xebatê xo reyde bî omidê cenîyê heme dinyaye. Tevgera Azadîya Cenîya Kurdistanî di heme warê de xobixo xeqlkerdişê xebatê xo domneno. Nê xebatan yew zî Kongreya Asayî ya 9’ina PAJKe bî. Di kongreye de taybetê Jineolojîyê taybetê nîqaş ame kerdiş.
Nîqaşê Kongreya PJAKe û xebatê Jineolojîya PAJKe ser endama Komîteya Jineolojîya PJAKe Zozan Sîma qise kerd.
Çarçieya nîqaşî
Endama Komîteya Jineolojîya PJAKe Zozan Sîma vat ke bi dem û biryarê xo Kongreya 9’ina PAJKe zaf muhîm bî, di na babete de muhîm averşîyîşê bîy, kongre seba nîqaşê Jineolojîyê îmkanî ke weş peyda kerd û wina vat: “Pirsgirêkê cenîyê mewcudî, bi vateya klasîk awanî û rayvistişan reyde nê, sazîyeke vateya Jîneolojîyê fam kerda, nê sazîyan reyde xebat bêro kerdiş.
”Endama Komîteya Jineolojîya PJAKe Sîma aşkera kerd ke kongre hîna pratîkbîyîşê Jineolojîyê ser û heme warê de Jineolojî senî bêro rayvistişkerdiş ser nîqaşê muhîm ame kerdiş û no dergî da qise xo: “No ser zî xebatê newe PAJKe awanîkerdişê cayê Jineolojîyê tewr muhîm ca gêno. Taybetî cuyayişê de pratîkkerdişê rolê akademîyan ame rojdema kongreye. Çimkî Jineolojî tena di kampusa zanîngehe de aver nêşîro, do mîyanê cuyayişê de aver şîro. No ser zî ma rol û mîsyonê ma akademîyan babete Jineolojîyê de bar kenî la do nê akademîyan komeleye ciya nêbî û heme çareserîya pirsgirêkan ser xebat bikerî.”
Jinolojî zanistî yo
Sîma aşkera kerd ke di kongreye de beşa zanistîbîyîşê Jineolojîyê ser muhîm biryarê girewtî, taybetê kêmasîyê Jineolojîyê ser nîqaşê muhîm ame kerdiş û averberdişê Jineolojîyê ser tay planê amey averberdiş.
Sîma wina vat: “Hewna Jineolojî senî zanistîya cenî bibo, no ser zî muhîm biryar amey girewtiş, do ma Jineolojîyê senî teberî xo ra vila bikerî, no ser ma nîqaş kerdî. Finak yew partîya cenî, vîrdozîya cenî senî têkilî Jineolojî reyde têkilî bironî? Rayvistişê cenî, zanistîya cenî û dorûverê femînîst reyde têkilîya Jineolojîyê senî bibo?”
Sîma îzeh kerd ke ê Jineolojîyê tena berpirsîyarîya PAJKe de nêvînenî û wina domna: “Ma do bi îdia û israrkar bibî la ma nêeşkenî tena serxo bikerî. Do Jineolojî temsîlîyeta PAJKe, PAJKe zî temsîlîyeta Jineolojîyê bikero. Ez no tena bi vateya rayvistişê nêvana la ma wazenê taybetê zemîna PAJKe Jineolojîyê aver berî. Jineolojî dema babete cenî de yew zanayîş vet meydanî, pratîkkerdişê gamê şenbera Jineolojîyê. Ma wazenê Jineolojîyê PAJKe çarçiweya xo bigêro. Tevgerê femînîst, awanîyê komele û cenî û mêrdeyê zî eşkenî nirx û zanayişê Jineolojî ser xebatê bikerî, ma Jineolojîyê hîna bidê nîqaşkerdiş û çimkî ma wazenî Jineolojî bibo sazgehî.
”Tecrubeyê ma est o”
Sîma ciresna ke eke ê zemînîke ser xebatê bikerî binirxnê, tay kesî zaf bi idiayê bivîno la înan eşkenî bi tecrubeyê xo nê doruveran ra verpers bidê û pratîkê înan zî zaf o, serfirazîya Kobanê peynî têkoşîna serran o, serfirazîya Kobanê di pêroyina dinyaye de tesîrake muhîm xelq kerd û bingehîya serfirazî di noca de cenîyan ra aîd o. Sîme vat ke xebatê înan tena di Kobanê de bê sînor nêmano, çimkî ganîyo ke nê nirxê di dinyaye de cuya bivino û ê zî wazenê Jineolojîyê bikerê îfade.
Heme rêgezê Jineolojîyê sexlamî
SIMA destnîşan kerd ke ê hetanê nika seba xebatê cenîyê xebat kerdî la ê zanenî ke eşkenî hîna geş û hera xebatê xo aver berî û wina dewam kerd: “Heme xebatê ma rê Jineolojî gamê muhîm o, ma bawerî ke ma xebatake muhîm kerd. Çimkî nika di Rojhîlatê Mîyanê cenî bi destê zîhnîyeta faşîst yena qetilkerdiş, ma verba na zîhnîyete rayvistişeke muhîm ra wayîrê. No zî yew qezenc o, ma wazenî no tabloyê heme warî ra bidê lansekerdiş. Yanî Tevgera Cenîya Kurdistan tena şer nêkeno, di mîyanê de yew projeyê komeleye est o û nêzdî na tevger zî her tim ser çareserîya pirsgirêkê cenî ser o.”
Jineolojî bingehê cuyayişî yo
SIMA dîyar kerd ke tabî pirsgirêkê tevgera ê zî est o û wina vat: “Rayna tevgere ma zî nêeşkeno xebatê xo pratîk bikero. No ser zî ma heme çareserîya pirsgirêkê cenî ser projeyan xelq kenî, bingehê nê projeyan zî do Jineolojî bibo. Jineolojî eşkeno heme warê vila, yanî warê Jineolojî hera yê. Babete ma bingehînê beşa felsefe yo. Hokeya ewnîyayişê cenî felsefe seba ma hîna muhîm o. Demografî zî seba ma zaf muhîm o. Rayverê taybetê vano ke di raşteyê demografya, ekonomî, dîrok, etîk, estetîk û komeleye de tewr maxdûr cenîyê. Ma nê raşteyan xo ra bingeh dîyar kerd.”