Sûka Almanya Kîel de roja Çarşem seatanê sodir de, cenîya Efrîkayî orteyê kuçe de bi şikleke wehşî amê kiştiş. Cinîya ke amê veşnayiş rexmê pêrokîn hewldayenan weşîya xo kerd vinî.
Sûkeka Kronshagen ke girêdayê sûka Almanya Kîel a de roja Çarşem cinîyeka 38 serrî ya ke Efrîka ra ya û maya di domanan a hetê merdeyê xo yê verî amê veşnayiş. Kesê 41 serrî çiyekê sotemenî rijna ser cinîya mexdûr û da ver adir. Bîyayiş vernîya çimanê xêlê kesan de qewimya. Cinîya ke bi giranî bî dirbetin hewadîya (wedarîya) klînîka Mareyê Kronshagen.
Weşîya xo kerd vinî
La roja verî seatanê şan de polîsan bi damûstayîneke aşkere kerdî ke cinîya dirbetin weşîya xo kerd vinî. Hêriş ra dima kesekê 41 serrî ke yeno îdiakerdiş merdeyê cinîya mexdûr yê verên o ame binçim girewtiş. Şaredarê Kîelê Ûlf Kaempfer merdişê cinîya mexdûr ra dima aşkere kerd ke di domanê ci yê 3 û 7 serrî teslîmê dezgehanê eleqedar bîye.
Almanya de jêdebîyayişê şîdetê vera cinîyan hayr anceno. Verîya çend rojan zî jû cinî raştê hêrişa bi kardî amê û dima ra erdî ra amê kaşkerdiş.
KÎEL