Jûtenya 120 rîpelî yo. Şîîrê Jûtenya de her go yew rîpel merdimî gêno beno wareke bîn, mezgeke bîn û kes wendiş ra mird nîbeno. No pirtûkê şîîran de heme tewr çîyê edebî, kulturî , ziwanî, sîyasetî û xorayberdişê esasî ser de vinderto. Her çekû, her rêze eynî hewayê çekûya bi awa zedinî ameyo niştiş û şixulnayîş. Nuştox Sutpakî bi taybet warê babetê zaraweya ziwanî de zaf ked û xebateke erjîyaye dayo. Nuştox eynî wextî de zî nuştoxê Azadîya Welatî, Verroj’î yo. Jûtenya bi helbestî ‘Ey Mêjû’ dest kena ci:
Govenda serwextbîyayene de
Bîya hesmetkarê to.
Domananê mi de
dejê serebûtanî noran a
Yê to ra mendeyî
Û lîlikê cuya merdeyî
Min vîrar de qundaxê
kozê adirê mazêre
Pa ravêrdeyî amoj kena.
Senîneya veşnayena dejan
Goştê pencûrikan
Yê bi sînoranê
dagirkerdeyan mendeyî
Telîya têlanê sînoran a
Leteyê cigeranê dayikan
Kîtabê helbestan yê Sînan Sûtpakî kitabê ey ê yewin o. No semedî ra no kîtabê eyî hewna vêşêr bi qîmet û erjîyaye yo. ‘Jûtenya’ pirtûkxane û dezgehan de cayê xo girewt. Şima êşkenê ‘Jûtenya’ pirtûkxaneyan ra temîn bikerê.
Sînan Sutpak kam o?
Sutpak serra 1961 de dewa Tilê ke girêdayê qezaya Riha Sêwereg a de ameyo dinya. Serra 1979 de zewijya yo û hîrê domanê ci estî. Dawa PKK ra serra 1993 de ameyo tepiştiş. Zindanê Semsûr, Bursa, û Elbîstanî de mendo. Hema zî zindanê Elbîstanî de maneno.
Sutpakî xeylê kovar, rojname û keyepelan de bi zaraweyê kurmancî û kirmanckî nuşt. Bi gilokine nuşteyê Sutpakî de; şîîrî, estanikî, meqaleyî, ceribnayişî estê.
DÎHA/ENQERA