Bayrakî verikîn bi kardî hêrişê Kadandir kerd, dima ra zî kindir eşt milê ci û verê çimanê lajê ci yê 2 serrî de pey wesayîtî de kaş kerd.
Buroyê Haştî yê Cenîyan Cenî û Ûtamara şexsê Kader Kadandir de şîdêtê ser cenîyan lant kerd û semedê xoverdayîşî veng da.
Pey wesayîtî ra kaş kerd
Sûka Almanya Hameln de erîfeyê 25ê Mijdare Roja tekoşîna vera şîdeta ser cenîyan de yew cenîya Kurd hetê merdeyê xo yê vêrîn ra raştê şîdeteke pîl amê. Hêrişa vera Kader Kadandir pêrokîn Almanya de veng da û gonîya herkesî vinderna. Merdeyê bi nameyê Nurettîn Bayrak ke merdeyê verîn yê Kadandir bi bi kardî hêrişê Kadandir kerd, dima ra zî kindir eşt milê ci û ayî pey wesayîtî de kaş kerd. Bîyayiş ra dima embiryanan mudaxale kerd û Kadandir hewada nêweşxane. Cenîya mexdûr Kader Kadirman nika rîwalê na hêrişa wehşî koma de tekoşînê weşî dana.
Çormeyê kampanya debibime yew
Buroyê Haştî yê Cenîyan Cenî û Merkeze Dîyayîş ê Cenîyan Ûtamara bi yew eşkerakerdişekê hêrîşê vera Kader lanet kerd. Eşkerakerdiş de vacîya ke bi sebebê Roja tekoşîna vera şîdeta ser cenîyan, nê rojê ke cenî hay kuçeyan de yê de, çi heyfo ke şîdetê ser cenîyan dewam keno. Ma şexsê Kader Kadandir de pêroyê şîdêto ke cenîyan rê bene şermezar kene. Eşkerakerdiş de semedê paştdayişê kampanyayê TJK-E zî veng dîya û vaciya ke: “Ma cenî hetûn vera camêrd-dewlet mevece, tim û tim ma kene vinî. Her cenîyê ke verê ma de qetil benê, sey ke ma qetil benê. Gerek pêroyê cenî vera nayî vengê xo berz bikerî. Hereketê Cenêyan ê Kurd ê Ewrûpa dest kerde yew kampanya. Kampanya ke pê silogana ‘Dûştê îşgalkarî xobîyayen' virazîyena wa pêroyê cenî dûmare ci de yew bî û tekoşîn xurt bikerî.
NAVENDÊ XEBERAN