Kalikê Firîk ke qezaya Pulurî ya Dêrsimî ra bi û temsîlkaranê kulturê fekkî ra yew bi, 11 serrî verê 106 serrîya xo de merd. Emser serrgêra 11. ya mergê Kalikê Firîkî yo.
Kalikê Firîk endamê Ocaxê Devreş Cemalî bi û goreyê ananeyê Qizilbaşîya Elewîye cuyayêne. Kalikê Firîk eynî wext de pîyê Behzat Firîko ke hetê rejîmê derbeya leşkerî ya 12ê Êlule ra bi hawayo ganî ganî ame veşnayene û ame qetil kerdene bi. Kalikê Firîk o wext ra dima bi dejê lajê xo tazîyeya ey tepişt. Hesirê Kalikê Fîrikî o wext ra dima qet nêqedîyayî û o wext ra dima qet qisey nêkerd.
Kalikê Firîk donemêk hetê dewlete ra yeno gêrayene û wexto ke yeno tepiştene, tûnika ey de mektûbêka ke Seyîd Rizayî rê ameyo nuştene, yeno dîyayene. Labelê ti kes mektube ra fam nêkeno. Dima ra tayê kewenî mabên û Kalikê Fîrik bi şertê do şêro Balikesîr surgun, serbest yeno veradayene. Labelê Kalikê Firîk û pîyê ci ewja ra remenî. Derbeya leşkerî ya 12ê Êlule de lajê Kalikê Firîkî Behzat Firîk bi hawayo ganî ganî yeno veşnayene û yeno qetil kerdene.
Derhênere Buket Aydina dêrsimije derheqê cuya Kalikê Firîkî de belgekîyêk ancena, seba Kalikê Firîkî şinaseyê ‘qatêk nivîne, yew kuzîna, yew saz û çar dêsî’ kena. Belgekîye bi nameyê ‘Însan-i Kamîl’ amebî weşanayêne.
PÎRHA/STENBOL