Roj çino kî yew kurde namdar hetê dewleta tirk û çeteyên girêdayê dewlat tirkî ra nîyero kiştiş. Ya zî ayê kî R.T.Erdogan û AKP rêxnekenî nîyerenê tepiştiş. Kam ke ser zulme T.C  qiseykeno, verê cû hetê R.T. Erdoganê ra yenî tehdîtkerdişî. Erdogan înan ra hina vano, şima ra hesab yeno perskerdiş. Eger ayê hina tirkê namdar bibenê derheqê înan de mehkema yena akerdiş û yenî tepiştiş.

Eger yew kurdê namdar derheqê dewleta tirk û AKP de qiseybikero, rayedarên dewleta tirk vanê ê rojê to bîyero, ma zanê, ma sekenî to. Dewleta Tirk û R.T.Erdoganê seba Selahadîn Demîrtaş na rayî taqîp kerd.

Vanê, wexto kî, Selahadîn Demîrtaş bi hemserokê BDP û qiseykerdişê xo ya verên kerd, R.Tayîp Erdoganê vato, na kilmek ça ra ameyo? Seba ma xetero, gera ma vernîyê eyê biger. Uca ra pey Erdogan tim û tim hemberê Selahadîn Demîrtaş dişmenê keno. Tim û tim vano, “o zat”. Erdogan, hetê sîyasî de Selahadîn Demîrtaşî ra zaf terseno, seba nayî  wazeno Selahadîn Demîrtaş werti ra wedero. Xora wextê weçînayîşê 7’ê Hezîranê de tam çar hewî hemberê Selahadîn Demîrtaşî suîkast bi.

Adana û Mersîn de, di hewî zî Amed de yane yew rey polîsê şîyê eşt keye Selahadîn Demîrtaş ser, yew rey zî mîtîngê HDP yê Amed de suîkast bi.

Hewa peynî de zî hembere  Selahadîn Demîrtaş’î pê guleyen hêrîş viraziya. Camê erebeya Demîrtaş polat bî, Demîrtaş hina xelasîya.

Erdogan înan Hemseroka HDP Fîgen Yuksekdag tehdît kerd, Farqîn de di hewî polîsanê tirk rastê rast pê guleyan hêrîşê Yuksekdag kerd.

Rojnamegar Can Dundar û Erdem Gul înan vîdeoyê çekên MÎT’î yê kî pê tiran şirawite çeteyên DAÎŞ T.C înan vila kerd.  Erdoganê va, “Can Dundar bedelê eyê giran bido, ez hina eyê ra nêverdena.”

Pê fermanê Erdoganê, derheqê Dundar û Gul de mehkeme ame akerdiş, her di rojnameger eştî zîndan. Hesen Cemal û Cengîz Çandar’î tayî Erdogan rexnekerd, ayê zî dayê mehkeme û şîye îfade da. Tahîr Elçî va, PKK rêxistinêk terorîst nîya, partîyêk hem çekdarî û hem zî sîyasîya, Erdogan înan va, yew neşkeno hina qisey bikero. Xora dima ra derheqê Tahîr Elçî de mehkeme ame akerdiş. Polîsanê Tirk, eşt baroyê Amed ser, Tahîr Elçî tepişt berdi Stanbol de mehkeme kerd. Tirkan, giranî AKP’yîjan eşkere nişteyî û vatî ma Tahîr Elçî kişenê.

Tahîr Elçî zî va, “Ez serranê 1990’an ra heta nika axayê şima yê pl û generalanê şima ra nêtersawa û mi sere xo nêtewino, ez şima(AKP) ra tersena.” Dima ra zî 28 Mijdarê de Tahîr Elçî ame kiştiş. Vîdyoyê kî ameyê weşanayîş aseno kî  Tahîr Elçî pê guleyanê polîsan ameyo kiştiş. Heme çi eşkera yo. Kamî ferman dawo kamî tetîkkeşî kerdo zelalo.