Kampa AFADî ke qezaya Dîlokî Bêlqis de ya û en peynî bi îstîsmarê zayendî ke 30 tutan rê bibî ameybî rojeve û dinya rê sey nimune nîşan dîyena de welatî hînî perîşan î. Welatî ke şerê Sûrîye ver Hamayî rê ameyî Dîlok û kampe de manenî îzah kenî ke tu cîyayîya kampe û hepisxaneyî çinya. Welatî ke kampe de cuyenî ra Hazim el Ehmedî vano ke, ‘Kampe de hezaran kesî vêşanî û çiyê ke yenî vatiş û yenî kerdiş yew nîyî.’
Ehmedî îzah kerd ke werdiş nêwerîyeno û awe zî nêna şimitiş û îna dewam kerd: ‘Awe rojêk esta 5 rojan çinya. Ma çend rey şîyî verê îdarekeran la tena ma rê vanî ‘înşallah ma do hal bikerî’. Dorûverê kampe girewtî. Kerdena înan kerdena hepisxaneyî ya. Îstîsmarê zayendî ke ame meydan ra dima nêverdenî wa kesêk nêzdîyê kampe bibo. Çapemenî rê vanê ke na kampe dinya de nimune ya. Mi bi xo başîyêk nêdîyo.’
Ehmedî vat ke, ‘Çiyê ke kampe de qewimyenî çapemenî rê yenî nimnayîş. Îstîsmarê tutan ke çend roje verê cu kewt rojeve nimune yo. La gelek çiyê xirabî qewimyenî. Eke ez nê çiyan vaja, beno ke mi kampe ra bierzî. Nameyê ardimî ser o bê ardimî her çi kenî.’
DÎHA/DÎLOK