Cenîyê Wanijî yê ke çarçoveyê kampanya de gureyînan ramenê zî vatî ‘azadîya ma girêdayê azadîya Rayverê ma ya.
KJA 5ê Tebaxa 2016î de seba serbestîya Ocalanî pêroyîna Tirkîye û Vakûrê Kurdistanî de startê kampanyaya “Ez wayîrê Rayver, hard û azadîya xo vejyena” da. KJA çarçoveyê kampanya de qerar girot ke heta 6 aşman seba serbestîya Ocalanî gureyînanê cîya cîyaye biramo. Wan de zî cenîyê ke çarçoveyê kampanya de gureyînan ramenê zî aşkere kerdî ke, heta ke Rayverê Şarê Kurd Abdullah Ocalan azad nêbo, cenî zî azad nêbenê. Aktivîstanê KJA vatî ‘azadîya ma girêdayê azadîya Rayverê ma ya û veng day pêrokîn cenîyanê Kurdistanî ke kampanya girdêr bikerê.
Wazeme cenîyan dormeyê haştî de are bikeme
Hemseroka rêxistina HDP yê qezaya Rêya Armûşê Edîbe Babûr, diyar kerd ke verîya di aşman kampanya amê destpa kerdiş û no di aşmîyo gureyînan ramenê. Bakûr, da zonayen ke iyê dê hona 4 aşmê bînî gureyînan bidê ramiten û wina va: “Ma wazenê xo biresnê pêrokîn cenîyan û pêro cenîyan bi rêxistin û hîşyar bikerê. Wazenime cenîyon dormeyê haştî de bikerê yew quwet. Rayverîye ma seba serbestîya pêrokîn cenîyanê dinya xover dano. Ma zê vanê ‘heta ke Rayverîye ma azad nêbo, cenî zî azad nêbenê.’ Eke ma xover bidê, ma girdêr benê. Dewlet bi xerpnayiş û talankerdişî wazena serdestîya xo biramê. La ma wazenê bi tekoşîna xo ya serbestî zerrîya her kesî de ca bigîrê. Nayî ra ma wayîrê Rayverîye, hard û azadîya xo vejyenê.
Cenî qeyta nêbî hetkarê herbî
Hemseroka Komeleya Paştevanî û Yardimkarîya Malbatê Giroteyan (TUYAD-DER) yê Wanî Aynur Bagiş zî diyar kerd ke rîwalo ke OHAL ameyo îlankerdiş raştê xêlê manîkerdişan yenê, la onca zî seba ke na kampanya biresnê netîce
têkoşîn û gureyînanê xo danê ramiten. Bagiş, vist vîrî ke ê di kes zî bimanê dê gureyînanê xo biramnê û waşt pêrokîn cenî wayîrê na kampanya bivejyê û wina va: “Herbî de tewr vêşêr zî heqê cenî û domanan yeno binlingkerdiş. Cenî qeyta nêbî hetkarê herbî. Tenya cenîyê kurd nê, pêrokîn cenîyê dinya zî nêbî hetkarê lejî. Nayî ra ma tenya zî bimanê, ma dê tekoşîna haştî û azadî biramnê.
Azaya Meclîsa Dayikê Haştî Leyla Dûman zî ard zon ke seba kampanya 4 aşmî pey de mendê û waşt ke nê 4 aşman de hona vêşêr zereyê tifaq, yewitî û pîyakarîyekê de gureyînanê xo biramnê. Dûman, da zonayen ke eke pê tenya ca nêverdê dê serkewê.
DÎHA / WAN