Konseptê esîrgirewtiş û cezakerdişê îradeya şarê kurdî dewam keno. Nika hemserek, parlamenter û sîyasetmedarî zî tede bi hezaran kesî tewqîfkerde yî. Her roje bi mehneyanê cîya-cîyayan ver ceza dîyeno nê kesan. Nînan ra yewe zî Hemserekê Pêroyî yê DBPyî Kamuran Yuksek o.
Derheqê Hemserekê Pêroyî yê DBPyî Kamuran Yuksekî de bi îdîaya ‘endamê rêxistine bîyayene’ doze abîbî û doze de Yuksekî rê heta 15 serrî cezayê hepsî ame waştiş. Dawa Mehkemeya Cezaya Giran ya 5. ya Amedî de ameye dîyayîş.
Yuksek beşdarê doze nêbî û roniştişê mehkeme de Av. Mesut Beştaşî heyetê mehkeme ra telebê hîrakerdişê cigêrayîşan û goşdarîkerdişê şahidan kerd. Labelê heyetê mehkeme talebê Beştaşî red kerd. Badê pawitişê avûkatan heyetê mehkeme 8 serrî û 9 aşmî cezaya hepsî û qerarê tepiştişî da Yuksekî. Wendişê qerarî ra dima avûkatê Yuksekî aşkera kerd ke do vera qerarî de muracatê temyîzî bikerî.
Şar yeno cezakerdiş
Heto bîn ra MYK yê DBP, îzehetêko nuştekî da û aşkere kerd ke şexsê Yuksekî de sîyasetê demokratîk û şarê kurd ame cezakerdiş. Rewşa Yuksekî bêhuqûqîya Tirkîya nîşan dana. Ma do bêmabên têkoşînê xo bidomnî.”
DÎHABER/AMED