Tesîsê pazûnkerdişî çemî ser de çîno ra awa kanalîsazyonan senî yeno kuno çemî û awe, erdan, zindîyê mîyanê awî de keno talûkeyan mîyan.
No zî bes nîyo amnanî merdimêy ke kunê çemî zî nêweşî kewenê.
‘Nêweşî vila bena’
Temsîlkarê Weqfa TEMAyî Îhsan Aytemîş mijarî ser de ard ziwan ke zaf rayan şîyê sere dayê şaredarîya ke destê AKPî de yo la heta ney gamî şaredarî çîyeke zî nêkerda.
Aytemîşî wina dergî da qisêy xo: “Bi ney çemî sembe û meyweyêy Deşta Mûşî yenê awdayiş. Şar zî weno. Awa qilêr erdan de nêweşîyê ke telafîyê ci nêbeno vera dano. Ma zaf rayan şaredarî ra ard ziwan la çîyeke zî nêkerdêy.”
Aytemîş dergeya qisey xo de bala ant sewalêy ke zereyê awî de û teberê awî de awî ra feyde vînenêy û vat êy zî zirar vînenêy û beno ke qirnê înan vinî bibêy. Hetê bînî ra bal ant weşeya merdiman ser zî vat ke merdimêy ke amnanan kunêy çemî zî her ser nêweş kunêy û bi erînayişê dermanan zatî zirar danêy amayişê şaran.
Aytemîş wina qedîna: “Şaredarî vana projeyê ma estêy la heta ney gamî çîyeke ma nêvînayo. Şaristanêy bînan de çemîy bi parzûnkerdişî yenê pakkerdiş la Karasû nêweşî vila kena.”
‘Silo vera çemî dana’
Welatijê dewa Çirîşî Kasim Kanşiray zî ard ziwan ke hemeyê kanalîsazyona şûkî verbê dewa înan de rijyeno çemî û boya awa qilêr ra her ser nêweş kunê û vat: “Edî no dert bes o. Lazimo ke tesîsa pazûnkerdişî bironîyo. Hetê bînî ra şaredarî siloyê (çopa) xo ano vera çemî dano. No nîno qebûlkerdiş.”
DÎHA/MUŞ