Hetê ke destek danî xoverdayîşê Kurdan ra yew zî Katalan î. Katalanî seba xoverdayîşê Rojawanê Kurdistanî payan ser o yê. Bajarê Barcelona yê Katalonya de seba ke piştî bidîyo Kurdan rayraşîyayîşêk ame viraştene.
Rayraşîyayîş seba azadîya tepişteyanê sîyasîyan ê Katalonya bi, labelê çalakgêran heman wextî de bale ante dagîrkerîya dewleta Tirkî ya vera Vakur û Rojhelatê Sûrîye ser û xoverdayîşê Rojawanî yê rayberîya YPJ û YPGyî de yeno dayene rê silam kerd.
Barcelona de verê cû zî kombîyayîşêkê bi heman amancî estbi. Temsîlkara Kongreya Starî Asya Ebdula zî bi skype tewrê kombîyayîşî bîye. Kombîyayîş de ame vatene ke xoverdayîş û têkoşînê Rojawanî yê vera dagîrkerîya dewleta Tirkî de her ke şono beno gird.
ANF/BARSELONA