Kaytan’î ard ziwan ki weçînayinê 7’ê hezîrani, tarîxê Komarê Tirkiye de, weçînayin en krîtîk bi û la balê çiyê sandiqan ra vejiya heme plan û hesabê şaş û lîminî xeripinay. Kaytan’î vist vîrî ki weçînayinî de AKP 2 hetan ra xebatê weçînayinî ramitê û vat: “Jew het ra Erdogan’î û heto bîn ra jî Davutoglu rayverînê kampanya weçînayinî kerd. Erdogan’î wast 400 parlementeran bifîno dest û serokînê xo îlan bikiro. La belê eno hesabê înan nêtepişt.”
Kaytan’î eleqe ant siyasetê jû milet û jû dewlet, jew lîder û jew ziwanî ser û vat: “Erdogan şi kotî, qalê siyasetê jûperestîn kerd. Jû milet, jû dewlet, jû al û jew ziwanî ardê ziwan. Goreyê perspektîfê netew-dewlet herekeret kerd. La belê şaranê Tirkiye, eno siyaset pûç veti. Coka weçînayinê 7”ê hezîrani bi weçînayinê vinîkerdinê siyasetê jewperestîni.”
Maketê Neteweyê Demokratîk
Endamê Konseyê Serokînê Pêroyin ê KCK’î Alî Haydar Kaytan serkewtinê HDP jî, zey serkewtinê perspektîfê neteweyê demokrasîk hesibina û wina vat: “Lîsteyê HDP, lîsteyê şaran be. Heme şar, kultur û bawerî girotî xo miyan. Lîsteyê HDP, zey maketê Neteweyê Demokratîk be. Coka serkewtinê HDP, eynî wext de, qebûlbiyayin û serkewtinê perspektîfê neteweyê demokratîk o.”
Kaytan vist vîrî ki HDP Dersim de her 2 parlementerî qezenc kerdê û vat: Dersim de fina siftayin quwetê çep û demokrat amey pê het. Serkewtinê gird vist dest. Serkewtinê Dersim, seweta ameyinê elewiyan jî, çiyê neweyon .
ANF/BEHDÎNAN