Heyeta KCD'ê ya ji endamên Koordînasyona Kongreya Civaka Demokratîk (KCD) û parlamenterên BDP'ê Ozdal Uçar û Mulkiye Bîrtane, endamên Meclîsa Daîmî ya KCD'ê Osman Ozçelîk, Mesud Çelîk û Vedat Çetîn, Şaredara Bismilê Cemîle Emînoglu pêk dihat, piştî ziyareta Wargeha Penaberan a Şehît Rustem ziyaret kir û çû Hewlerê. Heyeta ku bi Serokê Hukûmeta Herêmê Mesut Barzanî, Serokwezîr Neçîrvan Barzanî, navenda KDP û YNK'ê, Tevgera Goran, Partiya Komunîst, Yekgirtî Îslam, Komala Îslam, Partiya Zahmetkeşan a Kurdistan, PÇDK, Desteya Bilind a Kurd (DBK), Yekîtiya Parlamenteran û bi saziyên girêdayî hikûmeta başûrê Kurdistanê re hevdîtin pêk bîne pêr Mexmûrê ji aliyê hezaran kesan ve bi alên PKK'ê û posterê Rêberê PKK'ê Abdullah Ocalan hatin pêşwazîkirin.

Heyeta KCD'ê û BDP'ê doh jî çûn Hewlerê û bi partiyên Hizbî Zahmetkaşanî Kurdistan û Komala Îslamî re hevdîtin pêk anîn. Hevdîtin li Navenda Giştî ya Hizbî Zahmetkeşanî Kurdistan pêk hat. Heyeta BDP'e ku di bin Serokatiya Parlamantera BDP'ê ya Qersê Mulkiye Bîrtane de ziyaret pêk anî, ji alilyê Sekreterê Giştî yê Hizbî Zahmetkaşanî Kurdistan Bilen Abdullah ve hate pêşwazîkirin. Piştî hevdîtinê daxuyaniyek hevbeş hate kirin. Di daxuyaniyê de Abdullah, der barê naveroka hevdîtinê de diyar kir ku hevdîtin li ser rageşiya Hewler û Bexdê, rageşiyên li Rojhilata Navîn polîtîkayên AKP'ê yên li ser geyê Kurd û destnedayîna li hemberî Parlamenterên BDP'ê pêk hatiye. Abdullah anî ziman ku hevpariyek derket holê û dê li hemberî heman pirsgirêkan hestyariyek hevpar bidin nîşan.
Heyeta KCD'ê pişt re derbasî Navenda Giştî ya Komala İslamî bû Heyeta KCD'ê ji aliyê komek mezin ve hate pêşwazîkirin. Di hevdîtinê de Endamê komîteyea Navendî ya Komala İslamî Abdulstar Mecit zerokatiya hevdîtinê kir.
Der barê hevdîtinan de Nûnerê BDP Hewler Mehmet Alî Aydin, diyar kir ku helwesta Hizbî Zahmetkaşanî Kurdistan û Komala Îslamî nêzî hev bûn û eleqeyek baş nîşan dan. 

DÎHA/HEWLÊR