KCKî eleqe ant talukeyê siyasetê AKP ser û wina vat:”AKP, ziyaretê HDP ê Îmralî, vindarnayo. Komîsyonê Çimdarîn nêronayo. Muzakereyan hewna dest nêkerdo ci. Demê çareserîn, menfatanê partiyanê siyasî ra muhîmo. Gerek mebû qurbanê weçînayinan. La belê AKP nika vindarnayo. Wexto ki gerek AKP Komîsyonê Çimdarîn rono û muzakerey dest bikirê ci, AKP çiyê nêkena û demê çareserîn vindarnayo.”
KCK eleqe anto vatenanê Erdogan ê vera ronayinê Komîsyonê Çimdarîn û wina vat:”AKP vatenanê Erdoganî ser, derheqê demê çareserîn û weçînayin de, konseptê siyasetê newe esas giroto. Eno konsept jî, konseptê operasyon û provokasyonano.”
KCK operasyonê lejkerî, êriş û provokasyonê vera HDP jî, zey leteyê konseptê AKP hesibinay û wina dewam kerd: “Provokasyonê bi operasyonê Mêrdînî dest kerd ci, bi operasyonê Agirî-Giyadîna ramit. Pey ra jî êrişê vera HDP vistî dewre. Cayo ki AKP û Erdogan hesabê nîna bido, werzeno hewl dano hesabê bi desan kesê serhewadayinê 6-7 cotmeh de bi fîşegê polîsan kişiyay, HDP û quwetanê demokrasî ra pers bikiro. Çend hefteyan miyan de, Cizîr de 7 qeçekî hetê quwetanê dewleta kişiyay. Kesê hesabê kiştena qeçikan bidê, Erdogan û îktîdarê AKP bi xo yo.”
KCK ard ziwan ki AKP qandê menfatanê xo, wazena demê çareserîn bikiro qurbanê weçînayinan û coka ziwanê şowen, otorîter û alozîn esas gena.
KCK eleqe ant provokasyonanê lejkerîn jî ser û wina vat:”Quwetê gerîla, goreyê rihê adirbirnayin hereket kenê. La belê artêşa tirk mintiqanê gerîla dana bombeyanê obus û hawanan ver. Hereketê tiyaranê lej û keşfî Mintiqanê Pawitinê Medya ser biyo vêşî. Çiyê winayin zaf talukeyo.”
KCK visto vîrî ki, eleqeyê qandê HDP beno vêşî û wina vat: Girdbiyayinê HDP, tarsê gird visto zeriya Erdogan û AKP. Coka bi êriş û provokasyonan wazenê verniyê HDP bigirê. Gerek heme şar û bawerî, cenî, genc, heme quwetê demokrasî û hetkarê azadî û aştî ê Kurdistan û Tirkiye, vera êriş û provokasyonanê AKP, desteg bidê HDP.
KCK vera provokasyonan AKP aya kerd û cira wast ki peyniyê êriş û provokasyonan biyaro.
NAVENDA XEBERAN