KCK vist vîrî ke, hinî-endî wextê îktîdarê ke bi zorîna tifingan xo ferz keno, ravêrdo. Hinî dewletî meşrûbiyinê xo, demokrasiya herêmî ra gênê. Hinî cayê rayverînê merkezî, demokrasiyê herêmî gênê. Ma emel kenê ke, deklarasyonê KCK zî xizmetê çiyê winayin keno. No deklarasyon do bibo hîmê demokratîk kerdinê tirkiye û çarekerdinê meseleya kurd.
Gune muzakereyî destpa bikerê
KCK hayr ant muhîmiya xal-made yê deklarasyonî ser û wina vat: “Lazimo ê xalî jû bi jû, bi Rayver Apo ra muzakere bikerê. Badê muzakere zî, zey projeyê çareserîn pêşkeşê meclîs bikerê. Gerek meclîs zî wezîfeyê xo bikero û çareseriyê demokratîk vejo werte. Çareserî tenya bi demokratîk kerdin mimkun o. Îlanê rayverînê xoser ê şarî zî, çarçoweyê prensîbanê demokrasiyê. Wexto ke dewlet verra şarê kurd herb-lej îlan kerd, şarî zî bi hamleyê xoserînê demokratîk cewab da. Deklarasyonê çareserîn ê KCD zî, wayirê qerekterê demokrasiya şarî yo.
AKP tehamulê kamî û kiltûrê kurdan nêkeno
Hemserokîna Konseyê Rayverîn ê KCK eleqe ant êrişanê AKP ê verra deklarasyonê KCD ser û da zonayen ke, AKP zîhniyetê demokrasiya herêmî, zey ciyakarîn vîneno û wina dewam kerd: “Heme mahkemeyanê xo zî bifîno dewre, nêşeno aştî û îstîkrarî biyaro. AKP û dewleta tirk bi êrişê vera deklarasyonî mûsna ke, xeynê herb-lejî verra kurdan çiyê bîn nêfikiriyenê. KCK va: “Tehamulê wastenanê xorayverîn ê kurdan nêkenê. Nêwazenê kurdî bi kamî û kulturê xo biciwê.
Verra AKP vengê xo berz bikerê
Hemserokîna Konseyê Rayverîn ê KCK, sazgehanê demokratîk ra piya, veng da welatanê demokratîk û îyna ra wast ke êrişkarînê AKP ê vera deklarasyonê çareserîni bivînê û desteg bidê deklarasyonê KCD. Peynî de KCK nê mesajî day: Heta ke, siyasetê AKP nêvindariyo, tirkiye demokratîk nêbena û çareserî nîna. No çarçowe de veng danime heme şaranê tirkiye û îyna ra wazeme ke, wayirê rayverînê xoser bivejiyê, verra AKP vengê xo berz bikerê.
ANF/BEHDÎNAN