Tarîxê Kurdîstanê de kamcîn wextî gerîla û şervanê Kurdîstanê dewleta tirk bin visto, KDP şîya hawarîya dewleta tirk.
KDP, 1992 de hina kerd..
Gerîlayên PKK-ARGK hina kerdibî ke, eskerên dewleta tirk kewtîbî qulanê tarî.
La KDP(PDK) xo da kiştê eskerê tirk û Başurê Kurdîstanê de hêrîşê gerîlayanê ARGK kerd.
Hêrîşê KDP û dewleta tirk pîya hetanê 2003 dewamkerd.
Gerîlayên HPG, wexto ke 2004 de destbi xoverdayîşêk newe kerd, KDP reyna kiştê dewleta tirk de ca girewt.
2007 de bi şirîkayîya KDP,dewleta tirk û Amerîka hemberê gerîlayên HPG verê cû bi teyaranê şer hêrîşkerd.
Dima ra dewleta tirk 21'ê Sibatê 2008 de hêrîşê Herêmanê Pawitişê Medya kerd.
Dewleta Tirk no şer vînkerd. Ser serkewtişê gerîlayên PKK-HPG, dewleta tirk KDP rê eleqeyê xo xurt kerd.
KDP, Rojavayê Kurdîstanê de eynî çi kerd. Paştî çeteyên DAÎŞ'ê T.C înan girewt. Çeteyên DAÎŞ'ê T.C înan Til Eran û Til Hasil de hemberê şarê kurd komkiştişêk kerd.
No komkiştiş verê çimanê pêronê dinya bi. Labelê Mesûd Barzanî verê çimanê pêronê dinya de vat: "Til Eran û Til Hasil de komkiştiş nêvirazîyo."
Nika zî dewleta tirk hêrîşê Başurê Kurdîstanê kena. Mesûd Barzanî û Nêçîrvan Barzanî destek danî dewleta tirk. Dişmenîya Rojava kenî.
Mesûd Barzanî hina qisey kerd.: "Hukmate Tirkiye seba çareserîya aşîtî çi hewce kerd nîşan da û gam eşt. Labelê PKK cewab nêda û gam nêeşt... PKK dest erzena Başurê Kurdîstanê û parçe bîn û bi taybet Rojava de serverîya xo virazena. "
Nêçîrvan Barzanî zî vat, "Çend rojî verê cû di polîsanê tirk zî ameyê kiştinê. PKK zî kiştişê înan girewt serxo. Nayî zî rewş xirabêr kerd."
Derheqê qiseykerdişê Barzanîyan de yew vatişê verênîyanê ma esto. hina vanî:
"Kamîyeteya kesî ziwanê kesî bin de nimitîya."
Dewleta Tirk pê teyaranê şer hêrîşî Başurê Kurdîstanê kena, la medyaye PDK û Parastina(îstîhbarat) PDK yew bi yew cayê gerîlayanê HPG eşkere kenî.
No yeno çi mane?
KDP hayîyê cayê gerîlayên HPG dana dewleta tirk, dewleta tirk zî pê teyaranê xo bombekena.
No derheqî de zî vateyêk verênînanê ma esta hina vanî.
"Kutiko xirab vergî ano gewê ver"
KDP, kewta vayê dewleta tirk û pê na xayîntîyê şina ça?
Ser nayî zî verênînaê ma yew qisey kerdo û vato: "Kengertelî rê vato: 'Ti şinê ça(kotî).' Vato: 'Ez nêzana va zaneno'."
Nê heme çîyan KDP kena.
La KDP nêzanena baw û kalanê ma derheqê dewleta tirk vato ke: "Dewleta Tirk bena her zî, ci menişê."
KDP pêronê nê çîyan zanena, reyna hetkarî û şirîkîya dewleta tirk kena.
No halî de yew raştî vejîyena werti.
A raştî zî hinaya.
KDP, xencera dewleta tirk a.