Cinîyî bi hawayêke bêewleyî karê mewsîmî de xebitîyenê, keda înan zî nîna dîyayene û emrê domananê înan mîyanê hêgayan de derbaz beno.
Cinîyan ra Zekîye Dînça ke seba xebate Amed ra derbazê bajarê Aydinî bîya, bi domanê xo têkoşînê cuye dana. Zekîye verê ke roje vejîyo saete 04.00 de kewena serê rayîrê hêgaye. Zekîye daye zanayîş ke aye çinîbîyayîşî ver ameyê Aydin û aye bi domanî ra xebitîyena. Zekîye ana ziwan ke bi heme tedayan aye fek kultur û ziwanê xo ra vera nêdaya.
‘Zekîye dîyar kerde ke seba ke aye nêeşkena domananê xo cayêk de verda, mîyanê hêga de xebitîyena û seba ke domananê xo dir xebitîyenê no karê înan tewr xidar keno. Zekîye tewr peynî wina va: “Mîyanê hêgayan de ma bi domananê xo dir perîşan benê û kesêk keda ma nêvîneno. La rêzdarî vera cinîyan de goreyê verê tewr zêde yo û no zî xêrê sîyasetê kurdî yo.”
JINNEWS / AYDIN