Kampanya ‘Nê’ bi pêro pêtînya xo ramena. Endam û rayveberê Egîtîm-Senî yê Şaxa Mersîn’î ke seba referandûmî xebatê hera ramenê vengê ‘Nê’ day herkesî.
Serokê Şaxa Egîtîm-Senî yê Mersîn’î Sînan Mûşlû’yî aşkere kerd ke, rixmê pêrokîn zext û zorvajîyan zî Mersîn de amadekarî yenê ramiten û va, 16'ê Nîsane de do 'Nê' serbikewo.
Hetkarê ‘Ya’ kewtê panîkî
Mûşlû’yî vist vîrî ke meyla şarî hetê 'Nê' de ya û hayr ant zext û manîkerdişê karê înan ser.
Sînan Mûşlû’yî da zonayen ke panîk û zextê îxtîdarî rîwalê berzbhiyayîşê vengê ‘Nê’ ra yo. Mûşlû’yî aşkere kerd ke ‘eke 16ê Nîsane de vengê ‘Ya’ serbikewo, do kerdenê antî demokratîkî açarnîyê sîstemekê mendeyî.
Serokê Şaxa Egîtîm-Senî yê Mersîn’î da zonayen ke no proses, prosesekê rêzê nîyo û vist vîrî ke bi se hezaran endamê înan yê ke karî ra amey eştiş û bî mexdûr, iyê dê referandûmî de AKP û Erdoganî ra hesap bipersê. Mûşlû’yî aşkere kerd ke bi hezaran însanê ke weçîntoxê AKP yê û bin nameyê FETO de amey mexdûrkerdiş estê û wina va: “Tayî mordemî zî estê ke vengê xo daê AKP la dîktatorîya şexsekî nêwazenê. Nê çormeyî dê referandûmî de surprîzeke gird bikerê. Şikîyayişê tewr gird do mîyanê weçîntoxanê AKP de ca bîro.
Serokê Şaxa Egîtîm-Senî yê Mersîn’î veng da çormeyanê kedkaran yê pêroyîya welatî ke vajê ‘Nê’ û mendekerdîşê rejîma antî demokratîkî rê nêvajê ‘Ya’.
ANF/MERSÎN