BOTAN GERMÎYANÎ
ROJNEWS / GERMÎYAN
Tarîx ra nata Kurdîstan hertim bîyo merkezê şerî û no semed ra zî hertim kelayî ameyî viraştene. Kelaya Paşayî seserra 19. de Germîyan de ameya ronayene û hîna zî neqşê xo yê tarîxîyan pawito. Na kela rojhelatê dewa Tazedê ya Germîyanî de ya û dormeyê kelaye de girî estî.
Na kela hetê lajê Mihemed Paşayî Mihemed Paşa Keyxusrî Beg Cafî ra ameya mabênê 1874 û 1882î de ameya viraştene. Tarîxnasî vanî nameyê esasî yê kela ‘Keleha Paşayê Kanî Çeqel’ bîyo, labelê mîyanê demî de şar tîya ra vato ‘Kelha Paşa’ (Kelaya Paşayî). Na kela sey qesra Mihemed Paşayî zî yena zanayene. Kela di qatin a û 8 odeyan ra pê yena. Reyna kela de 2 salonî û dîvanêk zî esto. Kela kerpîçî reyde ameya viraştene û tayê cayanê aye de texteyî zî ameyî kar ardene.
Kela viraştişî ra nata qet nêameya tamîr kerdene. Ganî newe ra bêro tamîr kerdene. Îdarekarê eseranê tarîxî Şukrî Mihemedî va ‘krîzê ekonomîke ra ver, ma amadekarîya tamîrkerdişê kelaye kerdêne’ û wina domna: “Labelê çi heyf ke nika heme xebatê ma dîyayî vindarnayene. Kela rijîyayîşî reyde têrî ya.”