24ê Hezîrana 2018î de qezaya Pirsûsî ya Riha de parlamenterê AKPyî Îbrahîm Halîl Yildiz û merdimanê hêrişê dikanê Haci Esvet Şenyaşarî kerdbî û netîceyê ci de Haci Esvet Şenyaşar nêweşxane de, lajê ci Adil û Celal Şenyaşar zî dikan de merdbî.
15 aşmî hedîse ser ro derbas bîyî labelê heta nika tena lajê Haci Esvet Şenyaşarî Fadil Şenyaşar tewqîfbîyaye mend. Çend rojî verê qatilan ra Enver Yildiz bi 50 pawitoxan ame Edlîyeya Riha de teslîm bi. No tewqîfbîyayîş zî çalakîya roniştişî ya keyeyê Şenyaşarî de bi.
Dayîke Emîne Şenyaşare va ‘Fadil serrêk û nîme yo ke tewqîfbîyaye yo û hîna mehkemeya ci zî nêameya viraştene’ û wina dewam kerde: “No senî qanûn o? Çira hîna înan ra kesêk tena ameyo tewqîfbîyayene? Înan bi hawayo hovane keyeyê mi qetil kerd. Înan çimê Haci Esvetî vetbî û qirika ci bi kardîye tira kerdbî. Çira hende dozgerî yenî bedilnayene? Hedîseyî ra dima dozger Cuneyt Sanivarî mi ra vatbi ‘200 kesî nêweşxane de estbîyî û se ra 80ê nînan hemparê nê qetlîyamî yî’. Nika kesêk ame tewqîf bi. No seba ma çîyêk îfade nêkeno. Heta ke edalet bica bêro, ma do têkoşînê xo bidomnî.”
MA / RIHA