Nizdîyê aşmêk verê pêşmergeyanê PDKyî Kampa Domizî ya Duhokî de cinîyan îstîsmar kerdbî û ser ciwanan de zî ajanî ferz kerdbî. Îstîsmarbîyayîşê cinîyan û ferzkerdîşê ajanî yê ser ciwanan de bî sebebê reaksîyonan. Nika kampe de kes û keyeyê ke nizdîyê PYD, YPG û HSDyî yî, yenê tespîtkerdiş û kapman ra yenê eştiş.Babete ser o kesê ke kampe de cuyenî, qisey kerdî.
11 keyeyî kampe ra erzîyayî
Keso bi nameyê L.Tyî qiseykerdişê xo de wina va: “Keso bi nameyê Hacî Kalo kampe ra berpirsîyar bî. No kes, kesê ke têkilîyê ci bi rêxistinan esta, cinîyê ke hetê çeteyanê PDKyî ra ameyî îstîsmarkerdiş û ciwanê ke bi ferzkerdişê ajanî proses de ca girewtbî, tespît keno û nê keyeyan kampe ra erzeno. Kalo seba arêdayîşê îstîxbaratî, Kantona Cizîrî, qezaya Çîlaxa ke girêdayeyê Dêrîkî ya de kesê bi nameyê Bedran Ebasî dano xebetnayîş. No kes zî endamê çeteyê PDKyî yo û Konseyê Mîyanneteweyî yê Kurdê Sûrîye (ENKS) de ca gêno. Ebas zî berpirsîyarê doza şarê Rojawanî yo. Heta nika 11 keyeyî kampe ra ameyî eştiş.”
Heto bîn ra welatîyan ra A.Kyî zî wina va: “Keyeyî hetê Hacî Kalo û Bedran Ebasî ra yew bi yewe yenî tespîtkerdiş. Hacî Kalo û Bedran Ebasî 3 rojan ez daya qiseykerdiş û taqîpkerdiş. Nê kesî derheqê YPG, HSD û PYDyî de persan persenî û ma ser de gefan wenî.”
ERDOGAN ALTAN / DÎHABER / DUHOK