Demê OHALî de bi vetişê KHKyan bi hezaran kesî îxraç bîyê, nika ame rojdem ke KHKyijan nêeşkenê bankayan de hesabî zî biakê. Bankayan KHKyijan rê bi îdiayê ‘keso bi qedexe’, ‘TC rê bi qedexe’ xizmet nêdanê. Babete ser o Wekîlê Kocaelîyî yê HDPî Omer Faruk Gergerlîoglu qise kerd.
Wekîlê Kocaelîyî yê HDPî Omer Faruk Gergerlîoglu vat ke no hedîse newe nîno cuyayiş û wina domna: “Nika KHKyijan hetê dewlete muameleya terorîstî vînenê. Nan û karê xo vînî kerdê. Nêeşkenî kar bivînê. Tewro peynî rojdemî ra ameyişê meseleya KHKî, KHKyijan tikey zî bibo bi cesaret kerd.”
Bankayan cîyakerî kenê
Wekîlê Kocaelîyî yê HDPî Gergerlîoglu aşkera kerd ke hem bankayê taybet û hem zî bankayê dewlete cîyakerî kenê û wina domna: “Nameyê KHKyijan sazîyê dewlete rê ameyî erşawitiş, demo ke KHKyij ser piro karî kenê, no demî sîstem de qodê 36î vejîyeno. No ser zî bankayan de nêeşkenî xizmet bivinê. Eke dadgeh vergirewtiş bi hawano zî banka nêwazena risk bîga.”
Gergerlîoglu tewro peynî aşkera kerd ke nika sazîyan ser o teda esto û wina qedîna: “Nika xebatkarê SGKî bi keyfê muamele kenê, kesî ke rojê înan ê teqawutî ameyê, bi baxaneyan teqawut nêkenê. Tesilî heqê nê kesan de doz bêrî akerdiş. Vera nê bê huquqîyan de do têkoşînê ma bidomyo.”
ANF/WAN