Konferanso ke hetê ‘Serva Haşitiyê Civakî Hewldayenê Gencan’ viraziyeno yadê Tahîr Elçî bi. Çarçoveyê konferansî de, roja sifte malbatê ke domanê xo herb de kerdî vindî amey ziyaretkerdin.
Omidê xo kemê gird
Qiseykerdoxê hewldayenê gencan ra Ferhat Guvenî wextê ziyaretî de qisey kerd û hayr ant hewceyinê haşitî ser. Guvenî vist vîrî ke, îye de tekoşînê haşitî ra fek nêvirade
Ferhat Guvenî soz da mayan û Tahîr Elçî ke, raya haşitî ra fek nîvirade û va: Ma de kilîtê haşitî vindî nîkerê. Raya haşitî de ma de omidê xo bikerî girz.
Pîrê alewî yê ke tewrê bername bî waştî ke, pêdiyayisê Îmrali reyna ra dest bikerê ci. Hunermendan kî ziyaret de, bi mayan ra piya, klamê ‘dayê dayê‘ vatî.
Roja diyîn(8ê Kanûn) yê konferansî de azayê hewldayenê gencan, bi dayikan û bi Pîran ra piya jiyarê Ana Fatma ziyaret kerdî û mûm fiştray ci, niyazî kerdî vila. Ziyaretî de waziya ke, herb û merdisî biqedîyê, haşitî bêro.
Muxeteban rê mektûb
Vizêr kî bi nameyê ‘demê çarekerden de waştenê şaranê tirkiye’ panel viraziya û xêlê siyasetmedarî û kesê namedar tewr bî. Çarçoveyê konferansî de, ewro serva muxetabanê demê çarekerdin mektûb yena rusnayene.
ANF-DERSIM