Hamdûllah Oge wexto ke şi dewa Alpiran yê qezaya Çewlig Kanîreş raya ci birniya. Oge wesayît ra ame vetiş û bi 33 guleyan û bi îşkence ame qetilkerdiş. Pey Oge de 6 qijê sêwî mendî. Cipersyayişê derheqê kiştişê Oge de rexmo ke 10 aşmî vêrdî ra, la heta nika ti gam nêerziya. Herzewbîn derheqê dosya de qerarê nimite roniya.
Ma wazenê heyfê xo bigîrê
Ceniya Hamdûllah Oge Semîha Oge waşt ke kiştoxê merdeyê ci desinde bîrê diyayen.Oge va, ganî goniya embazê mi erdî de nêmano û hina va: “6 qijê mi bê pî mendî. Şikur ke embazê mi raya xiravîn de nêşi. Raya ke şi û şehîd bi rayireke hol a. Ma wazenê ke mesûlê ci bîrê diyayen, çimê ci pey de nêmanê.”
May Oge da zonena ke keynaya ay a gird ya 12 serrî Nûbahar ke şina pola 6. her tim bi bermayiş yena keye. Oge aşkere kerd ke keynaya ay her roj yena û persa ‘çima kiştoxî nînê vînayen’ û vana “eza biba pawitox û kiştoxanê pîyê xo bivîna”. Semîha Oge ard ziwan ke, semedê mahkemekerdişê mesûlan ganî herkes hewl bido û da zonayen ke îye dê heta peynî taqîpkarê dawa bê. Oge diyar kerd ke, tenya waştenê ay kiştoxan ra heyf girotiş o.
Dewlet kişt
Birayê Hamdûllah Oge Demîr Oge zî vist vîrî ke birayê ci dewlet qetilkerd û da zonayen ke problemê birayê ey bi kesî ra çinêbî. Oge aşkere kerd ke birayê ci hertim probleman çareser kerd û hina dewam kerd: “Wexto ke meseleyê ma bi dewijan ra vejya ame bi mara qisey kerd û ma ardî pêhet. Birayê mi pey nanê xo de bi. Rayîra bi şeref de şi, sereyê ma berz o.”
Demîr Oge vist vîrî ke birayê ci bi 33 guleyan ame kişten û da zonayen ke no komployekê gird bi û va, seyûse mesûlê ci dewlet a. Ganî pêrokîn dinya diriyîya AKP û rezaleta ci bivîno.
DİHA /ÇEWLÎG