Kitabê Tirkî bîyar Kurdî biber

MEHMET ARSLAN / MA/STENBOL

Qezaya Kuçukçekmeceyî ya Stenbolî de Şîvan Zeren karê sahafî keno, seba wendiş û averberdişê Kurdî ser o bi serxo têkoşîn dano. Şîvan Zeren hesabê xo yê Înstagramî de dest pê kampanyaya ‘Tirkî bîyar, Kurdî biber’ kerd, armancê ey zî averberdişê ziwanê dayîka xo yo.

Babete ser o Şîvan Zeren vat ke o bi nameyê ‘Li bin Siya Welatêkî’, ‘Kurdistanbol’ Û ‘Dîlperest’ 3 kitabê nuştê, çi heyfo teda û zilmî ser kitabê ke Kurdî ameyî nuştiş elaqayêka kêm vînenê û wina vat: “Demo vîyarte de min kafeyêkî bi 3 ziwanê xizmet daynî akerd, peynî no sahafî akerda. Min dest pê kampanyaya ‘Tirkî bîyar, Kurdî biber’ kerd. Kam kitabê Tirkî bîyaro ci ra kitabê Kurdî dana. Taybetî kitabê ke Kurdan elaqadar kenî reyde elaqadar bena. Çi heyfo kitabê Kurdî nînê wendiş, seba elaqa zaf bibo kitabê Kurdî, weşanxaneyan ra hîna bi kêmtir roşeno la hema zî waştişê kitabê Kurdî kêm ê.”

Kitabê ke Kurdî ameyî nuştiş pawiyeno

Zeren aşkera kerd ke o demo ke no sahaf akerdo, armancê ey ê yewin resnayişê kitabê Kurdî domanan bîyo û wina dewam kerd: “Kerdişê xebatê taybetî ser o zaf hûmarî de kitab destê min ra resayê. Misal Kitabxaneyê Apê Musayî ke nika qayim desteser kerdo ra, kitabê destê min de estê. Zafêr kitabê Kurdî yê, kurdêk nêwaşto nê kitabê bêrê veşnayiş, no ser resnayo ma rê. Nika destê ma de yê, ma zî pawiyenê. Kam min ra kitabê ziwanê bîn de bierşawo ez zî ci ra kitabê Kurdî erşewena. Bi na sayeye kitabxaneyê Kurdî do awan bibo.”