KJK’yî rojbîyayîşê Ocalanî pîroz kerd: “Ma vanê rojbîyayîşê Rayberîya konfederalîzmê demokratîkî, rojbîyayîşê azadîye yê cinîyan o”.
Koordînasyonê KJK’yî, derheqê rojbîyayîşê Rayberê Şarê Kurdî Abdullah Ocalanî de, yew beyanato nuştekî kerd pare.
KJK’yî beyanatê xo de wina nuşt:’”Serê de cinîyan, seba pêroyê şaranê Rojakewtena Mîyenêne, rojbîyayîşê Rayberîya ma yeno manaya rojbîyayîşê cuya azade û ma rojbîyayîşê merdimê azadî Rayber Apoyî kenê pîroz. Cuya pêroyê şaran de vurîyayîşî estê. Nê vurîyayîşî her çiqas ke sey vîyarteyê tarîxîyî bêrê namekerdene zî, yenê manaya rayîrwanînya azadî û newerabîyayîşî. Rojbîyayîşê Rayber Apoyî, rojbîyayîşê mîlyonan o. Rojbîyayîşê merdimahîye yo.Rojbîyayîşê cinîyan o. Rojbîyayîşê komelkîya azade yo. Ewro sey rojbîyayîşê modernîteya demokratîke yeno hesîbnayene.
Şarê Kurdistan û Rojakewtena Mîyanêne ewro vurîyayîşêko pîl de yo û xoverdayîşo komelkî ewro resto asta serkewtişî. Xelasîya şarê Kurdistanî û şaranê binan ‘bi paradigmaya neteweyî ya demokratîke’ ya enternasyonale mumkin a. Rojbîyayîşê Rayber Apoyî, rojbîyayîşê pêro şaranê bindestan o û rojbîyayîşê azadîya şaran o. Vera înkar û qirkerdişî, yeno manaya mucadeleyê hemparî yê şaran.
Rojbîyayîşê Rayîrwananê heqîqetî
Rayber Apoyî seba xoverdayoxanê merdimahîye û seba rayîrwananê heqîqetî rayîr akerdo. No rojbîyayîş rojbîyayîşê cinîyê ke kewtê dima azadîye û şîyê koyan û seba komelê azadî şer kenê yo. Rayber Apo vengê azadîye û edaletê tarîxîyî yo û m abi coşê nê rojbîyayîşî pêro cinîyan û merdimahîye silam kenê.
Seserra 21’î de zîhnîyetê camerdîye yo îşxalkar rest asta tewr corî û Rayber Apoyî hem xo, hem zî komel na nêweşîye ra xelesna ra û mucadeleyê ci da. Rayber Apoyî bi perspektîvê xo yê îdeolojîk, bi ferasetê cuya azade tim rayîrê mucadeleyê cinîyan kerdo roşnî û rayîrê ci welasîya cinîyan o. Rayber Apoyî azadîya cinîyan esas girewta û seba naye keda pîle daya.
Azadîya cinîyan seba Rayber Apoyî prensîbo tewr bingehîno û naye ra zî, her hêzo ke wazeno Rayber Apoyî çin bikero, verî hêrişê cinîyan keno û wazeno ke verê azadîya cinîyan bigîro. Bi keda Rayber Apoyî, serkêşîya cinîyan, xoverdayîş û mucadeleyê Cinîyan aver şîyo û ewro serkewte yo. Îtîfaqo qilêrin o ke bi destê DAÎŞ ê barbarî ameyo ronayene, ewro vera cinîyan bîyo binkewte. Xêza modernîteya demokratîke ya Rayber Apoyî bîya serkewte.
Wezîfeyê ma yo tewr muhîm tecrîd û faşîzmî rijnayîş o
Ma venga cinîyan,ciwanan û pêro şaran danê û vanê seba ke xêza azadî û xoverdayîşî ser bikewo, mucadeleyî bikê pêt. Ma do bi xoverdayîşê şaran û cinîyan tecrîdê serê Rayber Apoyî bişiknê û Rayber Apoyî reyde azad biciwîyê. Ma cinîyî rijnayîşê tecrîdî xo rê wezîfe vînenê û vanê rojê azadîya Rayber Apoyî nêzdîyê. Ma do bi rijnayîşê tecrîdî, bibê wayîrê îrdaeyê azadî. Bi şikitişê tecrîdî, şaro Kurd, pêro şarê bindestî, cinîyî û pêroyê komelî do bibê azad. Rojbîyayîşê ma pîroz bo. Biciwîyo Rayber Apo.”
ANF/BEHDÎNAN
‘Rojbîyayîşê to pîroz bo Abdullah Ocalan!‘
Însîyatîfê Ocalanî rê Azadîye yê Mîyanneteweyî bi wesîleya rojbîyayîşê Ocalanî eşkerayîyêk daye û semedê xurtkerdişê mucadeleyî veng da.
Însîyatîfî vist vîrî ke semedê wedarnayîşê tecrîdê serê Rayberê Şarê Kurdî Abdullah Ocalanî 7 hezar ra zafêr kesî grevê vêşanîye de yê û wina dewam kerd: “Rojbîyayîşê merdiman tena roja ke dayîka înan ê ardî dinya a roje nêya, cuya de merdim mecbûr maneno ke xo newe ra, newe ra biafirno.’’ Gabriel Garcia Marquez Rojanê Kolera de Eşq. Abdullah Ocalan vano ke o roja verêne fîzîkî ameyo dinya, bi ronayîşê PKK’yî raya dîyine û bi paradîgmaya medenîyetê demokratîkî zî raya hîrêyine ameyo dinya. No newe ra bîyayîş semedê Kurdan zî xeylî hetan ra newe ra bîyayîş o.
Ocalano ke 20 serrî yo zîndan de binê tecrîdê giranî de yeno tepiştine bi fîkranê xo cayê ma de yo. Kitabê ke zîndan de nuştî çar perçeyê dinya de bi ziwananê cîya-cîyayan yenê wendene. Kitabê ci Ewropa ra heta Rojakewtena Mîyanêne, Koreya Başûre ra heta Arjantîn, Hîndîstan, Amerîka, Amerîkaya Başûre û Îranî vila bîyî.
Ocalan gama ke rojbîyayîşê xo yê 50. de ame remnayêne û hepskerdene xora rewna bibê sîmgeyê newe ra bîyayîşê Kurdan û Mucadeleyê Azadîye yê Kurdan. Ewro rojbîyayîşê xo yê 70. de semedê şaranê Rojakewtena Mîyanêne, semedê cinîyan û şaranê bindestan bîyo sembolê azadîye û mucadeleyê qederê xo tayînkerdişî.
Ma vanê rojbîyayîşê to pîroz bo Abdullah Ocalan! Û wazenê ke her kes ma ya pîya rojbîyayîşê ey pîroz biko. Ma veng danê ke her kes wa paşt bido xoverdayoxanê grevê vêşanîye yê ke semedê wedarnayîşê tecrîdê serê Ocalanî xover danê.”
Îmzakarê Însîyatîfê Mîyanneteweyî:
Mairead Corrigan-Maguire (Xelata Aşitî ya Nobelî, Îrlanda), Dario Fo (Xelata Edebîyatî ya Nobelî, Îtalya), Adolfo Perez Esquivel (Xelata Aşitî ya Nobelî, Arjantîn), José Ramos-Horta (Xelata Aşitî ya Nobelî, Tîmoro Rojakewtene), José Saramago (Xelata Edebîyatî ya Nobelî, Portekîz), Danielle Mitterrand (Waqfê Azadîye yê Fransa,Fransa), Ramsey Clark ( Serdozgero verên, DYA), Uri Avnery (Gush Shalom, Israil), Noam Chomsky (Nuştox, MIT, DYA), Alain Lipietz (MEP, Fransa), Pedro Marset Campos (MEP, îspanya), Lord Eric Avebury ( Kameraya Lordan, BK), Harry Cohen (Parlamenterê Partîya Kedkaran, BK), Cynog Dafis (Plaid Cymru Parlamenter, Galler, BK), Lord Raymond Hylton (Kamareya Lordan, BK), Lord John Nicholas Rea (Kameraya Lordan, BK), Walid Jumblatt ( Rayberê Partîya Sosyalîste, Lubnan), Rudi Vis (Parlamenterê Partîya Kedkaran, BK), Paul Flynn (Parlamenterê Partîya Kedkaran, BK), Máiréad Keane (Sinn Fein,Îrlandaya Vakure), Domenico Gallo (Senatoro verên, Îtalya), Livio Pepino (Magistratura Democratica, Îtalya), Xabier Arzalluz (Serekê PNV‘î, Îspanya), Tony Benn (Parlamenterê Partîya Kedkaran, BK), Alain Calles (Serekê MRAP’yî, Fransa), Gianna Nannini (Nuştox, Îtalya), Geraldine Chaplin (Kaykerdox, Îspanya), David MacDowall (Nuştox, BK), Dietrich Kittner (Hunermend, Almanya), Alice Walker (Nuştox, DYA), Franca Rame (Nuştox û Kaykerdox, Îtalya), Chris Kutschera (Nuştox, Fransa), Prof. Dr. Jean Ziegler (Parlamenter û Nuştox, Swîsre ), Prof. Dr. Angela Davis (Unîversîteya Kalîfornîya, Santa Cruz, DYA), Prof. Dr. Norman Paech ( Hûquqê Mîyanneteweyî, Almanya), Prof. Dr. Werner Ruf (Hûquqê Mîyanneteweyî, Almanya), Prof. Dr. Gerhard Stuby (Hûquqê Mîyanneteweyî, Almanya), Hans Branscheidt ( Doktorê Mîyanneteweyî, Almanya)
MERKEZÊ XEBERAN