Kongreyê Neteweyî yê Kurdistanê (KNK), kombîyayîşê çapemenî yê Silêmanî, ke seba Kongreyê Neteweyî veng da ra dima, vizêr zî bi partîyanê sîyasî ra pêdîyayîşî viraşt. Heyetê KNK çarçoveyê hewldayînanê yewîya neteweyî de sifte şî zîyaretê YNK, dima ra zî şî zîyaretê Hereketê Goran.
Mîyanê heyetî de Yardimkarê Hemserokanê KNK Tahîr Kemalîzade ra pîya, endamê Konseya KNK Kamûran Berwarî, Perwîn Ezîz û endamê KNK'ê Ferhat Dostkî ca girot.
Heyet hetê rayveranê YNK Qadir Hemecen, Bilese Cebar Ferman, Îkram Elî û Verpersîyarê Têkilîyê Teber yê YNK Omer Fettah ra amey pêşwazîkerden. Badê kombîyayîşê hurdî hetan, Tahir Kemalîzade cewab da persanê rojnamegeran. Kemalîzadeyî vist vîrî ke kombîyayîş rind vîyarto û înan kombîyayîş de ser Kongreyê Neteweyî de qisey kerdo.
‘Ma dê pîya bigurweyê’
Heyetê KNK dima ra şî Merkezê pêroyî yê Hereketê Goran.Kombîyayîşê bi rayveranê Goran ra zî bi saet û nîmeke vîyart. Pêdîyayîşî ra dima heyet bi Serokê Parlamentoyê Başûrê Kurdistanî Dr. Yûsif Mihemed şi zîyaretê mezelê Lîderê Goran Newşîrwan Mistefa.
Dr. Kamûran Berwarî ser mezelê Mistefa de qisey kerd û aşkere kerd ke, ê hewl danê ke xeyalanê Misfeta yê seba yewîya Kurdan bîyarê ca.
Yeno pawiten ke, heyetê KNK do ewro zî Hewlêr de tayî pêdîyayîşan virazo.
SILÊMANÎ