Kongreya Netewî ya Kurdistanê (KNK) ji bo nîqaşên li ser kongreya netewî û rewşa Kurdistanê, li bajarê Hewlêr panêlek li dar xist. Beşdaran ragihandin ku ew li ser kongreya netewî bi israrin.
Di panelê de Serokê Eniya Demokrasiya Gel Dr. Mihemed Kiyanî peyamek pêşkêş kir û got ku pêwîste êdî tifaqa dinava Kurdan de pêk were û got; “Gelê Başûrê Kurdistanê niha di nav hinek krîzan dene, ya ku niha girîng nane, ne dewlet.”
Mihemed Kiyanî diyar kir ku heta biryara rêveberiya Herêma Kurdistanê di destê partiyan debe, wê ev rewş bi vî awayî berdewam bike.
Li ser guftûgokirina rewşa Herêma Kurdistanê, siyasetmedar Elî Mehmûd ji ragihand ku pêwîste hewldanên kongreya netewî bi leztir bibe, da ku despêkê nav mala partiyan bê rêxistinkirin, piştre pêngavên din bê avêtin.
Elî Mehmûd da zanîn ku êdî rewş hatiye wê astê, ji ber têkçûna têkiliyên partiyan, herêmek têkçûye û pêwîste ew were rêxistinkirin.
Rojnameger Hêmin Mamend ji da diyar kirin ku ev 25 sale ew civînan li dardixin û niha dema wêye ku gavên pratîkî ji bo kongreya netewî bên avêtin.
Hêmin Mamend wiha domand: “Pêwîste kongreya netewî lijneyek ava bikin. Ew lijne serdana Bakûr, Rojava û Rojhilatê Kurdistanê bikin. Di heman demê de serdana Şengalê bike, da ku aloziyan bê deng bikin.”
Di çavçoveya guftûgoyan de Serokê Yekêtiya Parlamenterên Kurdistanê Nîmet Ebdûllah pêşniyarek kir û wiha got: “Destpêkê serdanek berfireh ji bo partiyan were kirin, piştre ji pêngavên ji bo kongreya netewî bên avêtin.”
HEWLÊR