Komîsyona Ziwan, Kultur û Perwerdeyî ya KNKyî bi wesîleya Roja Ziwanê Dayîke ya Mîyanneteweyîye ya 21ê Sibate mesajêk weşana.
Mesajê KNKyî wina ya: ‘’Wextêkê dergî şarê Kurdistanî bi fermanê dewleta serdeste û îşxalkeran heqanê xo yê meşrûyan ra ame dûrvistene. Ziwanê Dayîke ma rê ame qedexekerdene û ame xîretkerdene ke ziwanê ma qels bibo û çin bibo. Ganî kurdistanijî ziwanê xo bipawê û cuya xo ya rojane de bixebitnê. Bêguman ziwano ke nêkewt mîyanê prosesê perwerdeyî û wendişî û cigêrayîşanê akademîkan vera çin beno, aver nêşino û nêno pawitene zî. Ma bi wesîleya na roje pêro kedkaranê ziwanê dayîke rê sipas kenê. Her parçeyê Kurdistanî de bi taybetî Kurdistanê Rojawanî de rîxmê rewşa şerî zî prosesê wendişî û perwerdeyê bi ziwanê dayîke nêvindertî û roje bi roje aver şîyî. Roja Ziwanê Dayîke ya Mîyanneteweyîye dadîyanê ma rê û pêro şarê Kurdistanî rê fîraz biba. Ganî ma pêro ziwanê kurdî bipawê û cuya xo ya rojane de sey ziwanê verênî bixebitnê. Xîretê xo zafêr û bihêzê bikerê, bi ziwanê xo yê dayîke perwerde û prosesê wendişî de bixebitê.’’
ANF/BRUKSEL