Wextê tekoşînê Gezî ra tepya Aşma Remezan de Sifreyê Rîerd nîyenê ruwe. Sifreyê Rîerd hetê Antîkapîtalîst ê Mislimanan ra organîze bene û sey 'Koalîsyonê kuçeyî' hesibyene.Ê ke nê sifreyan de yenî pêser dinyayekê bêsînor û bêlej wazene û eleqa ûncenî mûhîmînê barkerdiş û paştdayene. Emserr nê sifreyî têna Stenbol de nê xelyek sûkanê bînan de zî nîyenî ruwe.
Sifreyê Rîerdî de cîyakerdişê reng, zûn û dînî çîna
Aktîvîstê Antîkapîtalîst ê Mislimanan ra Hakan Çelîkî vist vîrî ke, Sifreyê Rîerd ciyakerdişê reng, zûn û dîn nêkene û her per ra merdiman ano yew ca û vat; xora no zî rihê Remezanî yo.
Muharrem Şaşkinî zî aşkere kerd ke, rîerdî de her wer heqê her qûnî yo. Şaşkinî vat, kitabanê bimbarek de ma nayî vînenî. Coka ma zî na riyêç ra şinî. Dogan Ozkanî zî eleqa ûnt dînê Îslam de waştenê haştî ser û vat; na dinya ma pêroyin rê besa. Hinda gerek her kes bananê xora vece tewer û pirûn xo bar bikere yew bîn bisarisne. Ozkan arde zûne ke, semedê yewbîn ra qerfnayîşa qê yew sebebê çîno.
Vêşanan kişenî
Antîkapîtalîst ê Mislimanan ra niştox Îhsan Elîaçik zî da zûnayene ke, Sifreyê Rîerdî her ke şino benê vila û 25ê aşm de zî Amed de no sifre nîyeno ruwe. Elîaçik xêmanê fitar ê AKP de dîmene ke vecîye wertê, qijê vêşan kişîyene û wer ci nêdîyen arde vîrî û vat: “Aşma Remezan semedê veşanan fûmkerdişa, la ê vêşanan kişenî û fetenenî. Elaqayê nê biyayîşan tewr dîn û merdimîye çîno.
DÎHA/STENBOL