Wexto ke çeteyên DAÎŞ yê AKP-TC hêrîşê Kobanê kerd, ez Ewropa de gêrayênê. Seba Stêrk TV înan gêrenê. Ez bajar bajar gêrenê. Mi bengîye şarê kurd weş dîyenê. Heta hina bi ke bajarê Almanya Dortmun de yew dadîya Hecî bibî. Nêzdîyê 89 serrî bî. Mi ra va “ez wazena şêrê Kobanê de şer bikerî. La hevalê/mêrde mi nêverdano ez şêrê.” Hina vatenê û bermenê. Meş û mîtîng de slogan zî qerîyenê.
Pêronê welatê Ewropa de şarê kurd eynî bengînî ciwîyenê. Şew û roj yew ranêkewtenê. Yewbîn ra perskerdenê. Vatenê Kobanê se bi? Nîmeyê şew vendenê yewbîn û çalakî viraştênê. Uça xî bi çalakî û hîşyarîya şarê kurd yê Ewropa pêronê dinya ame hîşyarkerdiş. Herkes Kobanê şinasna, çeteyên DAÎŞ yê AKP-TC şinasna. Herkesî zana ke esas serokçeteyê çeteyên DAÎŞ yê AKP-TC , Erdogan o. Dima ra pêronê dinya de 1’ê Mijdarê de meş û mîtîng virazîyayî. 1’ê Mijadare bi Roja Kobanê yê Dinya. Dima ra şarê Bakurê Kurdistanê zî kewt serhildan. Seba şervanên YPG zî moralêk gird virazîya. YPG-YPJ hîna baş şerkerd û Kobanê ame rizgarkerdiş.
Nika zî Ewropa de mîyanê şarê kurdî de eynî hewayê Serhiladanê Kobanê esto. Heta şarê kurd yê Ewropa xo sucdar zî vîneno. Tayî vanî ma wextê komkiştişê Amed-Sûr û Cizîra Botan înan de role xo kaynîkerd. Ma role xo kaybikerdênê bena ke rewşê Amed-Sûr û Cizîra Botan înan biamenê bedilnayîş. Gera nika ma eynî kemayî nîkeri.
Şarê kurd ayo ke Ewropa de ciwîyeno bi nê bengîyan wayîrê BDP-HDP û wekîlanê HDP vejîyeno. Hinayo ke hetê hûmarî de ayê ke beşdare meş û mîtîgan benî gore Serhildanê Kobanê hîna zêdeyîrê.
Hina însan esto ke heyatê xo de beşdarê meş û mîtîngan nîbîyê nika beşdarê meş û mîtîngan benî hemberê AKP û dewleta dagîrker yê tirk de şîyar berz kenî.
Nika Almanya de yew qisey kewto mîyanê şarê kurd de vanî, şima dî Hecî Turkan zî amîbî beşdarê meş û mîtîng bibî. Şarê Kurd vano Hecî Turkana ke qet beşdarê meş û mîtîngan nêbenê, eger nika yena beşdar bena, ma serkewnê.
Het hina bîyo ke tayî estî verê cû qet wayîrê çîyêk nêvejîyenê nika xo pêşnîyarî kenî vanî ma eşkenê çalakîyêk hina bivirazi û şinî û virazenê zî.
Ewropa de rewşêk hina vejîyayo werti. Bi nê bengînîyan şarê kurd xo seba meş û mîtîngê Kolnê amede keno. Hina aseno ke mîtîngê Kolnê yê 12 Mijdarê zaf qelebalix derbas bibo. Bena ke se hezaran kurd û dostê kurdan beşdarê mîtîngê Kolnê bibinê. Şarê kurd eynî sey wextê Kobanê rolê xo kaykeno. Senî hina Kobanê serkewt. Nika zî şarê kurd serbikewro.