Dewa Koço ya Şengalî ke verê cû raştê qetlîyamanê çeteyanê DAÎŞî amebî de goristan yeno viraştene. Dewa Koço de seba 300 kesê ke hêrişan de amebî qetilkerdene, goristan virazîyeno. Goristan do serkêşîya Tevgerê Averberdişê Koço û Tîma Goristanê Komkî yê Mîyanneteweyî yê Îraqî de bêro viraştene.
Keyeyê kesê ke dewa Koço de amebî qetilkerdene, dewe de ameyî têhet û dest bi viraştişê goristanî kerd. 300 meyîtê ke goristananê komkî ra amebî vetene, seba ke nasnameyê înan bêro tespîtkerdene, erşawîyabî Dezgehê Tibê Edlî. Badê ke nasnameyê înan bêro tespîtkerdene, do bêrî definkerdene. Yeno pawitene ke goristan 15ê Tebaxe de temam bibo.
Yeno zanayene 3ê Tebaxa 2014î de wexto ke pêşmgergeyê PDKyî Şengal ra vejîyayî, çeteyanê DAÎŞî hêrişê Şengalî kerdbî û netîceyê hêrişan de bi hezaran Êzidîyî amebî qetilkerdene û bi hezaran cinî û domanî esîr amebî girewtene. Bi sehezaran Êzidîyî zî mecbûr mendbî ke koç bikerî.
ROJNEWS/ŞENGAL