Rejîmê Îranî demêko derg o ke kolberan (kesê ke sînorî ser o bar kirişenî) hedef gêno. Tewr peynî leşkeranê Îranî girêdayeyê eyaletê Urmîye sînorê Salmasî de 2 kolberê bînî qetil kerdî. Reyna ame musayene ke kolberêko bîn zî sînorê Pîranşarî de bi hawayo giran birîndar bîyo. Mîyanê 4 aşmanê peyênan de tewr tay 33 kolberî ameyî qetil kerdene û bi desan kolberî zî birîndar bîyî.
Rojhelatê Kurdistanî de bi hezaran kesî seba ke debara xo bikerî, mecbûr manenî karanê tehlukeyinan bikerî. Xeylê cinî û camêrdî debara xo bi no hawa kenî. Nînan ra kolber yeno vatene. Muhafizê Şorişî yê Îranî nê kolberan bi hawayo bê mehkeme hedef gênî û raştê ti tehqîqatî nînî. Eynî muhafizî sînorî ser o qaçaxwanîye kenî û bi mîlyon dolaran tîcareto teberê qanûnî kenî.
ANF / URMÎYE