Temaşekerdoxê qenalanê Med Nûçe û Newroz TV, bi rojano meydanan de qerarê şîrketê EutelSATî protesto kenê û wayirê televîzyonanê xo vejîyenê. Sûka Almanya Koln de zî, buroyê Eutelsat'î ver de, çalakiya ronayişê xêmî (kon) dest kerd ci. NAV-DEM a ke rayverînê çalakî kena rê dezgehê kurd û dostanê ci ra pîya, xeylê dezgehê demokratîk ê Tirkîye zî desteg danê. Çalakî do heta 22ê Cotmeh biramo. Nûmayişkarî çarçoveyê çalakî de buroşorê derheqê sebebanê girotişê televîzyonanê mûxalîf, azad û girotişê Med Nûçe û Newroz Tv de kenê vila. NAV-DEM seba tewrbîyayişê nûmayiş, veng da Kurdistanijan û dostanê ci.
Seba protestokerdişê EutelSAT Parîs de zî xêm ronîya û do hîrê rojan dewam bikero. Seba protestokerdişê şîrketê EutelSATî kampanyaya maîl, fax û mektûb destpa kerd.
ANF / KOLN