Koma 4 kesiya Parîs ra şiya, nobeda semedê Ocalan’î tepişena.Nobeda qandê azadiyê Rayverê Şarê Kurd Abdullah Ocalan’î ya Konseyê Ewrupa ê Strasbourg ver de 25”ê hezîrana 2012 ra nişt bê maben dewam kena. Ena nobeda azadî, hezar û 62 rojî xo pey de ternay.
Koma 152. ya ki paytextê Fransa Parîs ra şiya Strasbourg rojo yekşem ra na kişt, nobeda qandê azadiyê Ocalan’î tepişena. Qisekarê koma 4 kesîn Îkram Balik’î derheqê nobeda azadî de ANF rê qisey kerd û agahî day. Balik’î vat ki, rojo yekşem ra na kişt, nezdiyê 2 hezar û 400 buroşorê derheqê nobeda azadî û nezdiyê 800 buroşorê derheqê fikr û felsefeyê Ocalan’î de kerdê vila. Balik’î ard ziwan ki, çalakiya nobedi, eleqeyê ziyaretkaranê Konseyê Ewrupa û Strasbourg ancena û iyê cewab danê persanê derheqê Ocalan’î, têkoşînê kurdan û xoverdayişê Kurdistanî de.
Balik’î bi raya ANF qandê weçînayinanê 7’ê hezîrani, veng da heme kurdistanijan û çoşmanê demokratîk ê Tirkiye û înan ra wast ki, hetanî 31’ê gulani şirê sandiqan ser û rayanê xo bidê HDP. Nobetdaranê bînan jî eynî wasten ard ziwan û weçînayoxê Tirkiyeyij ê Ewrupa ra wast ki qandê serkewtinê HDP, heme îmkananê xo seferber bikir.
ANF/STRASBOURG