Dewleta tirk komkiştişan de zaf wusta bîya. Dewleta tirk bi taybet giranî kurdan kişena û dana kiştiş, ser de zî sîyaset kena û xo mazlum nîşandana.
AKP û dewleta tirk pê planê taybet şarê kurdî kişena û dana kiştiş. Dima ra zî sey hêrîş serê dewleta tirk bîyo dana nîşandayîş. Bi nê sîyasetê dinya de xo mazlum nîşandana. Ser ra zî ayê kiştî ser înan zext xo zêde kena. Hukimranîya xo qewetir kena.
AKP û dewleta tirk serra 2010 ra nat nê çîyan raver bena.
Yew bî yew serra 2010 ra nat komkiştişê ke AKP û TC ser kurdan kerdî hinayê
1-Serra 2010 de AKP û Erdoganê bin nameyê destekdayîş Fîlîstîn de pê Gemîya Mavî Marmara giranî kurdê ke kurdbîyayîş ra dûr vîstibî şirawitî. Bi destê Dewleta Îsraîl dayî kiştiş. Ser kiştişê 8 kurdan propagandayê tirkperestî kerd . Dima ra xo sey wayîrê mazluman nîşanda. Ser nayî xo rêxistinkerd.
Emserr zî Îsraîl ra pêameyîş kerd. Kurdê ke dayê kiştiş kîse babîyê xo de şîyê. Yane çem û çem şîyê.
2-20ê temmuzê serrra 2015 de 32 ciwanê kurd û tirk Pîrsûs(Suriç) de da kiştî. Sey çeteyê DAÎŞ no komkiştiş hemberê dewleta tirk kerdo da nîşandayîş. Ser nayî 22 temmuze de Amerîka ra peyman viraşt. 24 temmuz 2015 de hemberê Kurd û Kurdistan şerêk newe da destpêkerdiş.
3-AKP û dewleta tirk 10 Cotmehe 2015 de Enqere(Engurî) de mîtîng aşîtî waştişan de bomba teqna. Ayê ke dayê kiştiş hema hema pêronê înan kurdî bî. Ser nê komkiştişî dinya de propagan de kerd vat ke hêrîş hembere mi bîyo. Ser ra zî nêverda HDP mîtîng û propagand bikero. Rewşe hina de veçînayîş raver berd û hîle kerd û serkewtişê xo pê hîle îlan kerd.
4-21 Tebaxe 2016 de Dîlok(Enteb) de veyve kurdê Botanê de komkiştiş kerd. 57 pîr, kal, cinî û tutê(qij) kurd kiştî. Dima ra zî va biewnê DAÎŞ hêrîşe ma kerd. Yane sey reyê bînan hem kurd dayî kiştiş hem zî sey hêrîşê dewleta tirk bîya da nîşandayîş. Dima ra şî kewt Rojavayê Kurdistan û Rojavayê Kurdistan dagîrkerd.
5-1 Çilê 2017 de zî cayêk kurdê Dersim yê bi nameyê Reyna de komkiştişêk viraşt. Ayê ke ameyê kiştiş mîyanê înan de hema hema yew tirk çîno. Pêronê înan teberê tirkan de yê. Ya welatê bîn ra şîyê Stanbol Reyna yan zî çend hebê înan kurdîyê.
Yane AKP û dewleta tirk tim û tim kurdan kişena û dana kiştiş. Heta nika yew komkiştiş hemberê tirkan, faşîstê AKPyîyan û MHPyîyan nêbîyo. Eger komkiştiş hemberê tirkan nêbenê yeno nayî mane komkiştişan AKP û dewleta tirk kena. Ser ra zî xo dinya de sey mazlum nîşandana. Dagîrker û qirkirenê ke ser kurdan ramena hîna zixm kena.
Not: Nameyê Reyna, Reîna nîyo. Reyna kurdîya zazakî ya. Kurmancî mane Reyna, nuhve(nuh de). Tirkî yenîden.