Meş ji aliyê Rêkxistina Jinên Azadixwazên Kurdistan (RJAK) û Tevgera Hemwelatiyên Azad û Yeksan ve hate li darxistin. Bi dehan welatiyên gundê Şerwetê beşdarî meşê bûn û di meşê de posterên Rêberê Gelê Kurd Abdullah Ocalan û her sê siyasetmedarên jin yên li Parîsê bi awayek hovane hatin qetilkirin herwiha pankartên li ser komploya 15’ê Sibatê û tevkujiya Parisê şermezar dikir hatibû nivîsin hate bilindkirin. Herwiha di meşê de siloganên ‘Bijî Serok Apo’, ‘Kujer Erdogan’, ‘Bê Serok Jiyan Nabe’ hatin avêtin.

Piştî meşa protestoyî cihê hatî diyarkirin, daxuyaniya çapemeniyê ya kû ji aliyê RJAK û Hemwelatiyên Azad ve hatibû amedekirin ji aliyê endamê meclîsa Hemwelatiyên Azad Şêx Mihemed Best ve hate xwendin.  
Di dawiya daxuyaniyê de qetilkirina sê siyasetmedarên Kurd Sakîne Cansiz, Fîdan Dogan û Leyla Şaylemez hate şermezar kirin û ji dewleta Fransa û Tirkiyê hate xwestin hêzên têkildarî bûyerê di demek ji ya din zûtir de werin zelal kirin. Piştî daxuyaniya çapemeniyê meş bi avêtina siloganan bidawî bû. 

DîHA/SILEMÊMANÎ