Kongreya Demokrasiyê ya Gelan (HDK) duh 2'emîn Konferansa Aştî û Demokrasiyê pêk anî. Konferans îro bi xwendina encamnameyê ya ji aliyê parlamenterê HDP'ê yê Mêrsînê Ertugrul Kurkçu bi dawî bû. Kurkçu, diyar kir ku dê rewşa tawî ya encamnameyê sibê biweşînin û parve bikin. Di konferansa 2 rojan de mijarên "faktorên herêmî yên gefan li aştiyê dixwe û derfetên aştiyê", "Aştî û nîzama siyasî ya nû", "ji bo aştiyek mayinde mafên civakî û civakî" û "Pêşniyarên pêvajoya aştiyê û têkoşîna her dayîm ya ji bo aştiyê" hatin niqaşkirin. Kurkçu, di encamnameyê de diyar kir ku ji bo li têkoşîna aştiyê yali herêmê û Tirkiyeyê xwedî bê derketin û hêzkirina têkiliyên di navbera têkoşînan de ev konferans pir girîng e û wiha got: "Ji bo pêşerojek aştî û demokratik tevgera hevpar a pêşerojê pir girîng û mecbûrî ye.

Xalên Encamnameyê

Kurkçu, di encamnameyê de li ser van xalan rawestiya:
* Êrîşên kuştinê yên DAIŞ'ê ku hêzên kurevî û herêmî li ser axa Rojhilata Navîn pêk tê didomin. Şerê di navbera blokan ku AKP jî di navde ye li Sûrî û Iraqê didome. Konferansa me, têkoşîna Kobanê ya li dijî nijadperest û komkujiyê silav dike û bi hêz piştgiriyê dide.
* Ji bo reveberiyên kanton ên li Rojava ku li ser hêza gel a xweseriyê û azadiya zayendî, demokratîk tên avakirin bigêjin statuya xwe û ji aliyê navneteweyî û Tirkiyeyê ve bên naskirin em dê bibin şopdar û daxwaz bikin.
* Bila dawî li lêgerîna herêmên tambon bên kirin.
* Ji bo mekanîzmayên navneteweyî yên li dijî komkujiyê têkevin jiyanê û welatên piştgiriyê didin komkujiyê bên darizandin em dê xebatan bimeşînin û ev yek hedefa me ya sereke ye.
* Konferansa me tespît kir ku pêvajoya aştî û çareseriyê di pêvajoyek kirîtîk de ye. Konferans ji bo astengiyên li pêş aştî û çareseriyê bên rakirin dê têbikoşe.
* Divê bi lezgîn ev guhertinên zagonên ewlehiyê yên ku bibe sedema Tirkiyeyê bibe OHAL'ê bên rawestandin û betalkirin.
* Konferansa me tespît kir ku ji pêvajoya destpêkê ya 2013'an heta niha hikumetê tu gavên şênber ên çareseriyê neavêtiye. Dîsa politîkayên Rojhilata Navîn û AKP'ê bû sedema ku di bûyerên dawî de 48 welatî jiyana xwe ji dest bidin.
* Ji bo pêvajoya aştî û çareseriyê bi tenduristî bimeşe, divê şert û mercên diyalog û muzakereyan ên bi Rêberê PKK'ê Birêz Ocalan re wekhev û azad pêş bikevin. Divê rêya li pêş Brêz Ocalan ku karibe bi heyetên cuda re hevdîtin pêk bîne bê vekirin û dest bi xebata sekreterya û lijneya şopandinê bike.
* Rêya sereke ya pêvajoya aştiyê makezagona demokratîk, azadîparêz û naskirina nasnameyen cuda ye. Divê rêveberiyên herêmî karibin azad xwe birêve bibin û bi zimanê zikmakî perwerdehiya cemawerî bê dayîn.
* Divê tirkiye gelek xalên peymanên navneteweyî ku fikar danîye ji holê rake û bi temamî tev li van xalan bibe.
* Divê Tirkiye komkujiya 1915'an a Ermenî û Suryaniyan qebûl bike.

* Divê girtiyên nexweş neke mijara bazarê û bi lezgîn serbest berde. Divê konferansa me bi fikra aştiya civakê li herêmê pêş dikeve konferansa aştî û demokrasiyê li herêman pêş bixe."

DÎHA/ENQERE