Konferansê ke çarçeweya fikrê Rayberê Şarê Kurd Abdullah Ocalanî de serra 2012 ra nata yenî viraştiş do emser konferansê 3. bêro viraştiş.
Konferansê ke heta nika bi sloganê ‘Vera Modernîteya Kapîtalîsî de vindetiş’ ameyî viraştiş, na rey do bi nameyê ‘Awankerdişê Modernîteya Demokratîke, Xoverdayîş, Serewedaritiş û Awankerdişê Neweyî’ Unîversîteya Hamburgî ya Almanya de bêro viraştiş. Konferans do mabênê 14 û 16ê nîsane de bêro viraştiş û do zaf welatan ra xeylê akademîsyenî beşdar bibî. Konferans de do babetê jineolojî, ekolojî, tarîx, felsefe, kapîtalîzm, xoverdayîş û awankerdişê cuya newe ser o munaqeşeyî bêrî kerdiş. Konferans hetê Network for an Alternatîve Questî ra yen organîzekerdiş. Network for an Alternatîve Questî ra Reîmer Heîderî derheqê konferansî de qisey kerd û melumatî dayî.
Xeylê kesî do tewr bibî
Heîderî va ‘konferans çarçeweya fikrê Ocalanî de yeno viraştiş’ û wina domna: “Ma wazenî fikrê Ocalanî pêşkêşî raya pêroyî bikerî. Ma verê cû zî 2 konferansî viraştî. Ma bawer kenî ke do xeylê kesî beşdarê konferansî bibî. Ma verê cû konferans de bi 4 ziwanan tercume kerdbî, labelê ma do nê konferansî de bi 7 ziwanan tercume bikerî. Reyna ma do heme materyalan bikerî kitab. Ma do averşîyayîşê ke Kurdistan, Rojhelato Mîyanên û cîhan de qewimîyenî ser o zî munaqeşe bikerî.”
ANF / KOLN