KESK ra
Konfederasyona Sendîkayî yê Kedkaran a Pêroyine (KESK) bi beşdarbîyîşê sendîkayê mîyanêneteweye Konferansê Aştîya Rojhîlatê Mîyanênî ya Mîyaneteweye di mîyanê 28 sibat û 1 adare de bivirazo. Konferansê ra do rayvistiş û sazîyê gureyêkê di Rojhîlatê Mîyanê de xebatê xo domnenî û sendîkayê mîyanêneteweye beşdar bibî. Hewna konferansê ra kantonê Efrîn û Cizîre ra zî sendîkageran beşdar bibî.
Verba şerê yewîtî
Konferansê ser hemserekê KESKe Lamî Ozgen agahî da. Ozgen îzeh kerd ke do no konferans di rojê bidomyo û di konferansê de babetê ‘Di Rojhîlatê Mîyanê de planê pey’, ‘Pirsgirêkê fîlîstîn û aştî’, ‘Pirsgirêkê kurd û aştî’, ‘Şer, aştî û cenî’ û ‘Aştî û rayvistişê gureyê ya kedî’ bêro nîqaşkerdiş.
Ozgen dîyar kerd ke taybetê sendîkageran di Rojhîlatê Mîyanê de pirsgirêkêkê yenî cuyayiş ser nîqaş bikerî, hewna sendîkageran verba şerê senî yew pozîsyon bigêrî ser nîqaş bikerî û nêzdîbîyîşê xo dîyar bikerî, no konferansê zî çarçiweya nê nîqaşan wazenî aver berî.
Ozgen destnîşan kerd ke di zaf hûmarîy de sendîkayê beşdarê konferansê bibî û o bawero ke do no konferans aştîya şaran ra xizmetêkê gird bikero. Ozgen îzeh kerd ke ê biryar dayî ke di Rojhîlatê Mîyanê de sendîkayan bîyarê yew ca, verba polîtîkayê neo-lîberalî têkoşîn bidê û ê hewna hêzkerdişê tevgerê kedî rê xebat bikerî.
Ozgen wina peynîya kerd: “Çi heyfo ke di welatê Iraq, Misir, Lîbya û Sûrîyeye de bîyîşê şer heme planê ma nêmcet veradano, ma wazenê verba pirsgirêk û astengîyan têkoşîn bidê û çareserî ra zî têkoşîn bidî. Ma vanî ke di Rojhîlatê Mîyanê de yewîtîya sendîkayan zaf bi muhîm o. Eke wazîyeno se şer bêro vindertiş, ganî verba şerê yewîtî û hembarî têkoşîndayiş şert o.”
ENQERE