Kongreya Starî bi wesîleya 25ê Teşrîna peyêne Roja Têkoşînê Vera Şîddeto ke Cinîye ser de esto dewa Jinwarî ke girêdayeyê Dirbêsiyê ya Herêma Cizîrî de bi siloganê ‘Ma do sîstemê Îmrali parçe bikerî û Rayber Apoyî reyde azade bicuyî’ îzehetêk daye.
Îdareyê Kongreya Starî ya herêma Cizîrî, bi desan endamê Kongreya Starî ya bajarê Qamişlo, Buroyê Têkilîyê Dîplomasî yê Kongreya Starî, Îdareyo Xoser, Komîteya Jineolojîyî û hêzê YPJ û YPGyî beşdarê îzehetî bîyî. Îzehet hetê Endama Îdarekarîya Kongreya Starî Welîde Botîye ra ame wendiş.
Îzehet de ame vatiş ke ‘ê serrgera ronayîşê kerraya yewine ya Jinwarî pîroz kenî’ û îzehet wina dewam kerdo: “Jinwar zî netîceyê keda Rayberê Şarê Kurd Abdullah Ocalanî de ameyo awankerdiş. Ewro rewşa Abdullah Ocalanî dîyar nîya, cok ra ganî heme cinî û kurdî wayîrê keda Ocalanî bivejyî. Reyna ganî seba azadîya ci têkoşîn bidî.”
Îzehet bi siloganê ‘Bê Rayberî cuye nêbena’, ‘Cinî cuye azadî’, ‘Wa bicuyo Rayber Apo’.
ROJNEWS/SILÊMANÎ