Merkezê Perwerdeyo Meslegîyo ke girêdayîyê Serekîya Dayîreyê Xizmetanê Sosyalan o û Şaredarîya Bajarê Gird a Amedî ser o xebatan keno semedê ciwanan Atolyeya Muzîkî akerd. Ciwanan na atolye de beşa gîtar, tembûr, koro û arbane de perwede vînayî. 57 wendekarî ke atolyeyan de perwerdeyê muzîkî vînayî çîyê ke muyabî bi konserêk pêşkêş kerdî. Konsero ke Cugehê Sumerparke de ame dayîş raştê eleqeyêko pîl ame, keye û xeylê kesî konserî temaşe kerdî.
Konserî ra ver perwerdekara Merkezê Perwerdeyo Meslegî Zehra Emra derheqê atolyeya muzîkî de zanayîş da. Emraye vake, ma do nika ra tepîya winasî xebatan tena Sumerparke de nêke. Şaredarîya Bajarê Gird a Amedî xeylê cayan de winasî cayan akena. Demêko kilm de do Merkezê Kulturî yê 500 Keyeyî yo ke ayîdê Şaredarîya Peyasî yo de zî atolyeya muzîkî abena.
Belgeyê beşdarî ame dayîş
Konserê ramojnayîşî de ewilî wendekarê ke beşê tembûre de wendênê vejîyayî sehner ser. Dima ra zî yew bi yew wedenkarê beşê gîtar, erbane, koro vejîyayî sehner ser o û cîya-cîya ziwanan de deyrî vatî. Konserî ra dima wendekarê ke tem yew serre bînê banê Merkezê Perwerdeyo Meslegî yê Serekîya Dayîreyê Xizmetanê Sosyalan de perwerde vînayîbî belgeyê beşdarî girewtî.
AMED