Mi serra 2011 de embaza Têkoşîne şinasna. Ewropa ra amebî koyanê azad. Mîyanê komêk embazan de bi ganîbîyayîş û zerrîşenikîya xo ameyêne şinasnayîş. Têkoşîne cinîyêk ciwan bîye. Min waştêne ke Têkoşîne reyde qale bikerî. Mi tim ciwîyayîşê Têkoşîne meraq kerdêne. Gelo cayo ke sey Ewropa ra senî tewrê embazan bîya. Sohbetê ma her ke şî kur bî, badê zî ma yewbînan ra cîya kewtê. Mi nêzanayêne ke Têkoşîne şîya ça û se kena. Mi tim aye meraq kerdêne. Badê zî ez pêhesîyaya ke Têkoşîne serra 2012 roja 19 teşrîna verêne de resaya karwanê şehîdan.
Rayîrê xobîyayîşî
Têkoşîne keynaya kurdan bî. Serra 1991 de Almanya de maya xo ra bîya. La keyeyê aye eslê xo de qezaya Sêwaz Qoçgîrî ra bî. Têkoşîne qet Kurdistanî nêvînaybî. Ziwanê Têkoşîne asîmîle bibî û heta universîte pola dîyine zî nêzanayêne ke kurd a. Seba cigêrayîşê eslê xo çîkêk (yê adirî) qîmê Têkoşîne kerd û fek universîte ra verada. Têkoşîne bado ke universîte ra fek veradana, xebatê ciwanan de ca gêna. Têkoşîne bi hawayo asanî ciwanan rêxistine kerdêne. Yew serre xebatê ciwanan de menda. Badê zî yena tepiştiş. Mudurîya Asayîşî de qerardarîya xo ra tavîz nêdana. Dişmen ewneno ke Têkoşîne çîyêk nêvana aye serbest veradanê. Badê ke vecîyena teber, wextêko kilm reyna xebatanê Ewropa de ca gêna. La serra 2010 de qerar dana û şona koyanê azad. Uca de perwerde vînena, badê perwerdeyî hereketê tîmo taybet de ca gêna. Têkoşîne badê destpêkerdişê hemleya Zapî xo pêşnîyaz kena ke hemleya Zapî de ca bigîra. Têkoşîne serra 2012 de roja 19 teşrîna verêne de beşdarê hemleya Zapî bena. Têkoşîne Hemleya Zapî de şina dişmenî ser de. Dişmen bombeyan erzeno û tîya de Têkoşîne birîndar bena. Embazî resenê Têkoşîne û seba tedawîye benê doktor. La Têkoşîne nîmeyê rayîrî de şehîd bena.
Sey ke newe ra bîya
Têkoşîne qiseykerdişê xo yê ke hetê embazan ra ameybî qeydkerdiş de wina vana: “Erey bibo zî ez bi xo hesîyaya. Wexto ke ez tewrê PKKyî bîya mi raştîya tarîxê xo û yê şarê kurdî vîna. Wexto ke ez ameya koyan, mi va qey ez newe ra welidîyaya. Nika ez tewrê hemleya çarin bena. Seba tewrbîyayîşî zî ez zaf biheyecan a.”
ZEYNEP NÊRGÎZ BOTAN / ANF / BEHDÎNAN