Krîzê Surîyeye do yewîyeya şaran biqedîno

EHMED SEMÎR / ANHA/QAMIŞLO

Şarê Surîyeya Rojhelat û Vakûrî, vera hêrişê çete û îşxalkaran pîya têkoşîn dayê û peynî zî heqanê xo bine banê Rayberîya Xoserî de pawitê. Endama Heyetê Partîya Yewîyeya Suryanijan Efram Îshaq vat ke şarê Rojawanî planê dişmenan pîya vila vetê û no zî hîşyarîya netewî nîşan dana, hetanî nika bingeyê persgirikan yewnêbîyayişê şarî rê de qewimyaynê.

Îshaq aşkera kerd ke armancê dewletê kapîtalîstî parçekerdişê Sûrîyeye bî û wina domna: “Dewletê kapîtalîstî waştî ke şaran yewbînan rê bidê pirodayiş û kultirê înan parçe bikê. Surîyeya Rojhelat û Vakûrî de projeyo demokratik, heme şaran mîyanê xo de miqate keno. No ser mintiqaya Rojawanî, goreyê mintiqayê bîn hîna bi ewlehî yo.”

Îshaq dîyar kerd ke bi sayeya yewîyeyî, şar xo bi xo pawit û wina qedîna: “Şarê Suryanî şarêko bi qedîm o, ma zî parçeyê şaranê Surîyeye yê. No ser ma zî do bibê parçeyê çareserî yê.”