Qezaya Amed Çinar de çalakiyê nobed bi (pê) coşekê gird ramena. Çalakiya ke bi rayveriyê KJA de virazyena yew heftê xo dima verda. Parka Nûjiyan de welatijî her şan de yene pêhet û vera tecrîd hêrsê xo anî zûn. Çalakvanan qerarînê xo arde zûne ke hetûn pênî guretiş ê çalakiyê xo re dewam keneê. Erxanî û xelyek cayan bînan ê Amed de zî çalakiyê nobed ramene.
Riha û qezayanê ci de zî welatijî bi rojano çalakiyê nobed ramnenê. Welatijî vera tecrîd kuçeyan de mendîş rê qerarinî. Edena de zî 6 noqteyanê cîya de çalakiya nobedî ramene. Welatijan vera qefilnayişê rojnamê Ozgûr Gundem zî hêrsê xo damûsnay. Dadiyan zî lawik eştî Kurdistan ser û pê lawikanê xo mesajê tekoşînî day. Heto bîn ra Mersîn de zî Nobeda Serbestiyê destpa kerd. Çalakî de tecrîd şermezar bi û serbestiyê Ocalan waziya. Hûnca qezaya Hatay Îskenderun de zî çalakiyê nobed dewam kena. Çalakvanan arde zêne ke ê pê çalakiyan tecrîd şiknenî.
Çewligijî ho payra
Çewlig de şar semedê serbestiyê Rayverê Şarê Kurd Abdullah Ocalanî ho payra. Çalakiyê nobetî ke her şûnd yew mehla de virazyene yew heftê xo ya pey verda. Bînşê Nobeda Serbestiyê mehlaya Mîrzan de virazîya. Welatijan çalakvanan rê şum û çay kerd vila û paştdayîşê xo miyet ra. Çalakî de hemserokê HDP Mahmut Bozan arde zûne ke hetûn Ocalan ra xeber guretiş ê kuçeyan canêverdene. Çalakvanî vera qefilnayîşê Ozgur Gundem zî veciyay û mesajê paştdayene day. Hemserokê DBP Feyzullah Şahanoglu zî aşkere kerd ke xelyek duyerim pê qefilnayişê rojnameyan ceribîya ke vengê şarê Kurd bibirnî. La Kurdan tim yewna rayê dî û vengê xo da eşnawitişe.
‘Xişxuşok de Nobeda Serbestiye’
Per bîn ra qeza Kanîreş de zî Nobeda Serbestiyê dest kerd ci. Dewa Xişxuşok de welatijan verîya di rojan startê nobed pê çalakiyê roniştişî da ci û êr ra tepiya her şo çalakî rê dewam kene. Welatijan tecrîd ser Ocalan rê hêrsê xo arde zûn û vat ê hay pê paştê Rayverê xo dey û pê çalakiyan berê Îmrali şiknenî. Çalakvanan veng da pêroyê şarê Çewlig û waşte ke pêroyê cayan de welatijî wirzî lingan ser û semedê serbestiyê xo tekoşîn bikerî. Nobeda serbestiyê Batman, Dilok, Mûş û xelyek cayan bînan de zî pê coşa ramena. Welatijî zaf elqa miyejnenî çalakiyê nobed û çalakî pede-pede bena vila.
NAVENDÊ XEBERAN