Tarîxê Kurdan de hunerê destan bi seserran o neslêke ra xo resnayo neslêke bîn û ameyo heta ewro. Qezaya Wanî Şaxî de cinîya bi nameyê Sanîya Babur bi viraştişê kilîman ke nexşê aye zaf zehmet ê, pê debare xo kena. Her roje Sanîye derûdorê xo de cinîyan kom kena û bi sohbet û kilaman dest bi viraştişê kilîman kenê.
Sanîye da zanayîş ke aye emrê qijî de dest bi viraştişê kilîman kerdo û dewamê qalîkerdişê xo de wina va: “Viraştişê kilîme kulturê ke zaf kan o. Wexto ke ma hema domanî bî maya ma û pîrikê ma, viraştişê kilîman de ma perwerde kerdî. Amanç o bi ke kulturê ma vindî nêbo. Viraştişê kilîman kulturê dayîk û pirîkanê ma yo. Ma heta no wextê peyîn de zî debara xo pê kilîman kerdêne. Labelê ciwanî zaf eleqe nêmojnenê ra.”
‘Pê debara xo kena’
Sanîye da zanayîş ke bi viraştişê kilîman cinîyan dana derûdorê xo û wina va: “Ez her roje kilîman viraznena. Wexto ke ez bi dest bi viraştişê kilîman kena, ez veng dana cîrananê xo zî û ê zî yenê hetkarîya min. Ez kilîmanê xo bena û roşena.
Babur ard ziwan ke a wazena wayîrê kulturê xo bivejîyo ke vindî nêbo û seba ke vindî nêbo xeylê kesan rê mojnena ra.
ŞÛJIN/WAN