Vera hêrişê çeteyê Tirkîya û DAIŞî  de şarê Rojawanî bi qewetê xo, herranê xo pawitê, çimkî eke zanaynê ke xo nêpawî, do sereyê înan do ya Qirkerdişê Dêrsim ya zî Helepçeyî bêro. Êdî rojdemê Kurdan projeyê netewa demokratîk û tifaqa netewî estê.

LÊL AMED/AMED

Qetlîamê Enfalî ke serra 1986î de dest pê kerd heta serra 1989î dewam kerd. Qetlîam 6 mintiqayê Kurdistano Başûr de, 8 merheleyanê ameyê viraştiş. No qetlîam hetê gurekarê Saddam Huseyîn, Alî Hasan bi namê xo yê bîn a Aliyê Kîmyewî ra viraziya. Qirkerdişê Enfalî de 182 hezar Kurd î cuya xo kerdê vîndî. Mabenê ci de cenî û domanan ra piya 1 mîlyon ra zafêr Kurd î herranê xo caverdayî. 4 hezar dewe, 2 hezar mektebî, 27 cayê îtîqat yê Asurî ameyê veşnayiş.

Gazê kîmyewî şixulnayî

Rejîma Baas gazanê kîmyewî eşt 250 bajar û dewe ser. Sereştîşê tewro gird 16ê Adare 1988î de vera Helepçe viraziya. 5 hazar kes cuya xo kerdî vîndî, 10 hazar ra zafêr kes zî dirvetin mend. Eke a roje Halebçe de sîliyî merdimî bibîynî ke 75 hazar kes cuya xo kerdenê vîndî, kes ci ra nêxelesîyaynê. Kesê ke besekerd no sereştiş ra rema, bêvesan, bêtesan herranê xo sero restê şîndorenê bi mayinan, bi telan.

Terteleyê Enfalî de teyna merdimî nê, teyr-tûr, dar-ber kî merdî. Derheqê weşîye de çik esto, reça xo hard serra ame estarnayişê. Her demî dewletê Rojawan jenosîdê Kurdistan rê bêveng mendî. Onca nê gazê kîmyewî kî hetê înan ra ameyî rotişê. Qetlîamê Halebçe bi Terteleyê Enfalî ame bî qedînayiş. Peyê xo de mabenê hindî serran de dejêko giran verada.

Terteleyê 38î yê Dêrsimî

Tertelê 38î yê Dêrsimî de kî des hezarî kes ameybî qirkerdiş. Komara Tirkîya bi ‘Herekatê Kakkerdişî’ eşt Dêrsim ser û Dêrsim açarna gola gonî. Domanê ke hîna pîzeyê maya xo de bî singû kerdî. Welatijan şikeft û keyeyan de bi çekê kîmyewî qir kerdî. Yê ke pey de mendî sirgûnê cayanê bîn kerdî. Hona kî bi hezaran kênekê ke o wextî girotiyayî vindî yê. Kamcî lete beno wa bibo, Kurdan tim û tim eynî qederî bare kerdî, raştê eynî polîtîkayanê înkar û îmha ameyî. La nika êdî qederê kurdan vurniya. Bi Hereketê Kurd û bi Xopawitişê Cewherî êdî Kurdî qirkerdiş û înkarî rê vanê nê, serva nê danê piro.

Şorişê Rojawan û projeyê Ocalanî

Seba Kurdan peynîya seserra 20in û sifteyina serra 21’ine de cografyayê Rojhelatê Mîyanênî de averşîyayişê muhîmî qewimyayê, 15’ê Sibata 1999î de vera Rayberê Şarê Kurd Abdullah Ocalanî, hêzê Kapîtalîstî komployêk viraşt. Peynîya şerê Emerîqa û Efganîstanî dest pê kerd û Emerîqayî Iraq îşxal kerd. Peynîya heme hedîseyan Kurdan Rojawan de şorişê xo pêardî, çimkî êdî Kurdan tarîxê xo newe ra waştê binusî, seba Kurdan demê qirkerdişan qedîyabî, qewetê kapîtalîst û Dewleta Tirkîya waştî bi çeteyê DAIŞî Kurdan hewna qetil bikê la Kurdan bi rêxistinîya xo çeteyê DAIŞî têk berdê.

Rayberê Şarê Kurd Abdullah Ocalan zanaynî ke do prosesêko newe despê biko, averşîyayişê na bawerî de analîzê Rayberê Şarê Kurd Abdullah Ocalanî rolêkê muhîm kay kerdê. Peynî zî Şorişê Rojawanî dest pê kerd û Kurdê Rojawanî heme komelî ra şoriş vila kerd û bi rayberîya cenîye, şarê Rojawanî şerê îqtîdarî ra dûr vist û rayîro hîrêyin rêxistin kerd.

Projeyê Netewa Demokratîke û tifaqa Kurdan

Kurdan bi sîstemê xo mabenê cenî û merdeyî cîyayî qedînayê, çimkî înşayê şorişî û vera çeteyê Tirkîya û DAIŞî de têkoşînêko bi gird dayê. taybetî ciwanan şoriş de ca girewt. Sîyasetê rêxistinî yê Kurdan qewetê tedakarî nêrehet kerd, herranê Surîyeya Rojawan û Vakûrî ra çeteyê Dewleta Tirk hêriş kerdê, armancê înan çinkerdişê projeye Netewa Demokratîke û sîstemê Kurdan bî.

Vera heme nê hêrişê çeteyî de bi sîstemê şarê mintiqayê bi qewetê xo, herranê xo pawitê, çimkî eke zanaynê ke nêpawî, do sereyê înan do ya Qirkerdişê Dêrsim ya zî Helepçeyî bêro. Êdî rojdemê Kurdan vera qirkerdişan prejeyê netewa demokratî û tifaqa netewî estê. Seba Kurdan demê qirkerdişî qedîya, êdî Kurdê Kurdistanê Vakûrî bi tifaqa netewî ganî rêxistinîya xo aver berê û ver bi şorişî ra bimeşî.