KCDK-E aşkerekerdişê xo de hayr ant pîyakarîya dewleta Almanya û Tirkîye ser û wina vat: “Dewleta Almanya ke na seserra bi dewleta tirk mîyanê têkîlî de ya, hembarê qirkerdiş û komkiştişê şar û bawerîyan ra ameyo kerdişî ra verpirsîyar a. Qirkerdişê Ermenî-Asurî yê serra 1915’î de lejkerê alman şêwermendîya dewleta Osmanijan ra kerd. Ma zananenî gazê kîmyewî yê Qirkerdişê Helepce de ameyî şuxilnayîş, hetê fîrmayê alman ra ameyo rotiş. Pêroyî panzer û çekê dewleta tirkî yê serrê 90’î de seba vilakerdiş û veşnayîşê dewê Kurdistanî û înfazkerdişê merdiman mîyanêraştî, hetê dewleta almanî, mêtingerîya tirkî ra ameyo dayîş. Dewleta Almanya seba destêka sîyasî bido polîtîkayê lêmin ê dewleta tirkî verba şarê kurdî de aver bena, serra 1993’î de xebatê PKKe yê Almanya de qedexe kerd.”
Kurdan krîmînalîze kenê
KCDK-E da zanayîş ke peynîya bira sazî û komeleyê kurdî ameyî girewtiş, bi hezaran kurdî ameyî tepiştiş, qedexeyê sîyasî ser înan ame ferzkerdiş û wina ame vatiş: “Bi krîmînalîzekerdişê kurdan verê entegrasyonê sîyasî, komelî û ekonomî ame girewtiş. Qedexekerdişê tevgerêko merdimî, hetê zaf roşnvîr, kesayet û sazîyan ame rixnekerdiş, nê kesayetan waştişê hawanayîşê qedexeya ser PKK kerdî û hema zî na warî de mîyanê hewldayîşan de yî.
KCDK-E vîr ard ke Serokwezîra Almanya Angela Merkel seba hetkarîya sîyasî bida hukimatê AKP 1’ê Teşrîne de şî zîyaret û bi no rengî hetkarîyêka bi aşkera da.
ANF/BERLÎN