Ewropa de çalakîyê paştîdayîşê grevanê vêşanîye yê ke vera tecrîdkerdişê Rayberê Şarê Kurdî Abdullah Ocalanî yenî viraştene, dewam kenî.

Çalakîyê protestokerdişê tecrîdê serê Ocalanî û paştîdayîşê grevanê vêşanîye vila benî. Perê reyna Kurdistanijî û dostê înan meydanan de bî.

LONDRA

Paytextê Îngîlîstanî  Londra de rayberîya cinîyan de vernîya parlamentode çalakîyêk ameye viraştene. Çalakwanan fotografê Leyla Guvene û çalakwananê bînan ê ke grevê vêşanîye de yê kiriştî  û derheqê tecrîd û grevî de vilewekî vila kerdî.

PARÎS

Paytextê Fransa Parîs de zî cinîyan ê Kurdan semedê baleantişê tecrîdê Îmraliyî çalakîya bêîtaatî ya sivîlî organîze kerde. Çalakwanan bi sloganan ard ziwan ke waştişê Guvene waştişê înan o  û waşt ke tecrîd bêro wedartene.

BASEL

Bajarê Baselî yê Swîsre de zî bi heman waştişî rayberîya Meclîsê Cinîyan ê Ronahî de  çalakîyêk ameye organîzekerdene. Bi vengdayîşê TJK-E’yî çalakîya rêzila merdimî ameye viraştene.

HILDESHEIM

Bajarê Hildesheimî yê Almanya de zî Komunê Cinîyan ê Meryeme çalakîyêk organîze kerde. Çalakwanan derheqê tecrîd û grevanê vêşanîye de vilawekî vila kerdî.

MARSILYA

Bajarê Marsilya yê Fransa de zî rayberîya Meclîsê Cinîyan ê Arîn Mîrkane de bi çalakîya rêzila merdimî tecrîd û bêvêngîya Ewropa ameyî şermezarkerdene.

 

FREIBURG

Bajarê Freiburgî yê Almanya de zî endamanê Meclîsê Cinîyan ê Nuda  standêk akerd û bale ante tecrîd û grevanê vêşanîye ser.

DUISBURG

Bajarê Duisburgî yê Almanya de çalakîyê ptotestokerdişê tecrîdî bêmabên dewam kenî. Vizêr reyna hetê Têgêrayîşê Ciwanan ê Şorişgêrî ra yew çalakî ameye viraştene.

DEN HAAG

Bajarê Den Haagî yê Hollanda de zî Kudistanijan vernîya parlamento de yew çalakî viraşte. Çalakwanan grevê vêşanîye silam kerdî û azadîya Ocalanî waşte.

HAMBURG

Bajarê Hamburgî yê Almanya de zî cinîyê Kurdî reyna meydanan de bî. Cinîyan bi çalakîyêk tecrîd protesto kerd û wat ke waştişê Guvene û çalakîya grevê vêşanîye waştişê ma yo.

ARNHEM

Bajarê Arnhemî yê Hollanda de zî Meclîsê Fatoş Saglamgoze çalakîya ptorestokerdişê tecrîdî û paştîdayîşê grevê vêşanîye organîze kerde.

 

MERKEZÊ XEBERAN