Xozat vist vîrî ke semedê serkewtişê Kurdan di çiyê esasî estî û va, ‘nînan ra yewe; şarê Kurd ganî her ca de, her wext tekoşîna xo biramno. Ê dîyin zî; ganî Kurdî yewîya xo yê siyasî û netewî biqewet bikerî.’
Besê Xozat da zonayen ke Kurdan înan ra ya vêrîn zaf aver berda. La çi heyf ke ê diyîn de Kurdî zeîf mendî û hina dewam kerd: “No zî tekoşînê serbestî yê Kurdan fîneno tengayî û talokeyan rê kêberî akerde verdano. Kurdî ganî mûhaqeq no kêberî biqefilnî (bigîrê). Eke Kurdî ewro nînê yew ca, dê çiwext bîrê? Roj, roja yewbîyayîşî ya. Tarîx Kurdan re nayî emr keno. Yewîya xo rone û azadbi. Ganî perokîn Kurdî goş bidê na waştena tarîxî seranî û ûna hereket bikerî.
Kayanê leymin bixeripnê
Hemseroka Konseyê Rayverîn ê KCK Besê Xozat hayr ant qewimyayişanê Başûr û Rojawayê Kurdistanî ser o zî û aşkere kerd ke dewleta Tirk bi (pê) hêrişkerdişê Minbic û Babî wazena ke yewîya qantonê Efrîn û Kobanê manî bikero, dima ra zî qantonanê Rojawa binate ra wedaro.
Xozat waştena îşgalkerdişê Sûrîye zî vist vîrî û hina dewam kerd: “Bloka faşîst ê AKP-MHP wazene eynî çî Başûrê Kurdistan û Irak de zî bikerî. Tirkîye Başûr sey eyaleta xo vînena. La Kurdî û îdarekarê Başûrê Kurdîstan nê kayanê leyminan ê AKP-MHP rê nêxapîyenê. Kurdî dê bi rijnayişê gonîya yew bînî faşîstan biqewet nêkerê. Kurdî mecbûrê ke nê kayanê leyminîn bixeripnî. No zî bi yewbîyayîşê Kurdan mumkin o.”
Kurdî wahar îradeyê xoser ê
Besê Xozat no demî serva (semedê) Kurdan sey tarîxo zerdî hesibna û aşkere kerd ke serva serbestîyê Kurdan zafî firsetî vecîyayî werte. Xozat da zonayen ke Kurdî belkî tarîx de duyerima sifte ke hendayî bizane, birêxistin û biqewet ê. Wahar îradeyê xoser û îrade yê.
Hemseroka Konseyê Rayverîn ê KCK vist vîrî ke binate (mavênê) Kurdan qe yew wext zey ewro (êr) hewcedarîye yewîye çinêbî û qiseyanê xo hina domna: “No hendê şoreşekî erja yo. Bi yewbîyayîşî Kurdistana xoser zaf nezdîya. Ganî rexistinê siyasî yê Kurdan bîrê têhet û yewîya xo ya stratejîk ronî û ray ra şirê. Hereketê ma sey her wext nayî rê hedre yo. Çi destê ma ra biyerê ma kenê.”
Xozat vist vîrî ke no demî de înan bi xeylê partî û rexistinanê Kurdî ra pêdîyayîşî viraştî û da zonayen ke iyê dê nezdî de bi yew eşkerakerdiş netîceyanê nê dîyayîşan bare bikerê.
ANF / BEHDÎNAN